75 ವರ್ಷಗಳ ಹಿಂದೆ: ಕೇಂಬ್ರಿಡ್ಜ್ ವಿವಿ ಉಪಸ್ಥಾನಪತಿ ಪದವಿಗೆ ಪಂಡಿತ ನೆಹರೂ ಹೆಸರು?

ಲಂಡನ್‌, ಅ. 17– ಕೇಂಬ್ರಿಡ್ಜ್‌ ವಿಶ್ವ ವಿದ್ಯಾನಿಲಯದ ಪತ್ರಿಕೆ ‘ವಾರ್ಸಿಟಿ’ಯು ಫೀಲ್ಡ್‌ ಮಾರ್ಷಲ್‌ ಸ್ಮಟ್ಸ್‌ರ ಮರಣಾ ನಂತರ ಪಂಡಿತ ನೆಹರೂ ಅವರನ್ನು, ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ಸ್ಥಾನಪತಿ ಪದವಿಗೆ ಆಯ್ಕೆ ಮಾಡಿದೆ.

ಈ ಪದವಿಗೆ ಅರ್ಲ್‌ ಮೌಂಟ್‌ ಬ್ಯಾಟನ್‌ರವರು ಬರುವ ನಿರೀಕ್ಷೆ ಇದೆಯೆಂದೂ ‘ವಾರ್ಸಿಟಿ’ ಪತ್ರಿಕೆಯು ತಿಳಿಸಿದ್ದು, ‘ನೆಹರೂ ಏಕಾಗಬಾರದು?’ ಎಂದು ಕೇಳಿದೆ.

ಕಾಮನ್‌ವೆಲ್ತ್‌ ಕೂಟದಲ್ಲಿ ನೆಹರೂರವರು ಸ್ಮಟ್ಸ್‌ರವರಷ್ಟೇ
ಗೌರವಾನ್ವಿತರಾಗಿರುವರೆಂದೂ ಪತ್ರಿಕೆಯು ಸೂಚಿಸಿದೆ.