ವ್ಯಾವಸಾಯಿಕ ಕಾರ್ಮಿಕರಿಗೆ ಕನಿಷ್ಠ ವೇತನ: ಕೆಲವು ಮಿತಕ್ಷೇತ್ರಗಳಲ್ಲಿ ಮಾತ್ರ ಅನ್ವಯ

ನವದೆಹಲಿ, ಫೆ. 23– ವ್ಯಾವಸಾಯಿಕ ಕಾರ್ಮಿಕರಿಗೆ ಕನಿಷ್ಠ ವೇತನ ನಿಗದಿ ಮಾಡುವುದು ‘ಕೆಲವು ಮಿತಕ್ಷೇತ್ರಗಳಲ್ಲಿ’ ಮಾತ್ರ ಸಾಧ್ಯವಾಗಬಹುದೆಂದು ಅರ್ಥ ಸಚಿವ ಸಿ.ಡಿ. ದೇಶಮುಖರು ಇಂದು ಪಾರ್ಲಿಮೆಂಟಿನಲ್ಲಿ ತಿಳಿಸಿದರು.

ವ್ಯಾವಸಾಯಿಕ ಕಾರ್ಮಿಕರ ವಿವಿಧ ವೃತ್ತಿಗಳಿಗೆ ಕನಿಷ್ಠ ವೇತನ ಮಸೂದೆಯನ್ನು ಅನ್ವಯ ಮಾಡುವುದು, ಈಗಿನ ಪರಿಸ್ಥಿತಿಯಲ್ಲಿ ಗ್ರಾಮಾಂತರ ಕಾರ್ಯಗಳಿಗೆ ಧಕ್ಕೆ ತರುತ್ತದೆ ಎಂಬುದು ಸಿ.ಡಿ. ದೇಶಮುಖರ ಅಭಿಪ್ರಾಯ.