25 ವರ್ಷಗಳ ಹಿಂದೆ | ಶೀಘ್ರವೇ 500ರ ಹೊಸ ನೋಟು

ನವದೆಹಲಿ, ಆಗಸ್ಟ್‌ 13– ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಶೀಘ್ರವೇ ಹೊಸ ಮಾದರಿಯ 500 ರೂಪಾಯಿಗಳ ನೋಟುಗಳನ್ನು ಬಿಡುಗಡೆ ಮಾಡಲಿದೆ. ಖೋಟಾ ನೋಟು ಚಲಾವಣೆಯನ್ನು ತಪ್ಪಿಸಿ, ಇನ್ನೂ ಹೆಚ್ಚುವರಿ ಭದ್ರತೆ ಒದಗಿಸುವ ಸಲುವಾಗಿ ಈ ನೋಟುಗಳನ್ನು ಹೊರತರಲು ನಿರ್ಧರಿಸಿದೆ.

ಆರಂಭದಲ್ಲಿ ಈ ನೋಟುಗಳನ್ನು 1987ರಲ್ಲಿ ಬಿಡುಗಡೆ ಮಾಡಲಾದ 500 ರೂಪಾಯಿ ನೋಟುಗಳಿಗೆ ಬದಲಾಯಿಸಿ ಸಾರ್ವಜನಿಕರಿಗೆ ನೀಡಲಾಗುವುದು ಎಂದು
ಹಣಕಾಸು ಸಚಿವಾಲಯದ ಮೂಲಗಳು ತಿಳಿಸಿವೆ.