75 ವರ್ಷಗಳ ಹಿಂದೆ | ಸಕ್ಕರೆ ಕಾರ್ಖಾನೆ ಕೆಲಸ ಮತ್ತೆ ನಿಂತಿದೆ

ಬೆಂಗಳೂರು, ಆಗಸ್ಟ್‌ 14– ಕಬ್ಬಿನ ಸರಬರಾಜು ಇಲ್ಲವಾಗಿ ಮಂಡ್ಯ ದಲ್ಲಿರುವ ಸಕ್ಕರೆ ಕಾರ್ಖಾನೆ ಮತ್ತೆ ಕೆಲಸ ನಿಲ್ಲಿಸಿದೆ. ಕಳೆದ ತಿಂಗಳ ಮಧ್ಯ ಭಾಗದಲ್ಲಿ ಕಾರ್ಖಾನೆ ಕೆಲಸ ಪ್ರಾರಂಭಿಸಿದಾಗ 1948ರ ಕಬ್ಬಿನ ಬೆಳೆ ಸರಬರಾಜಾಗುತ್ತಿತ್ತು. ಕಾರ್ಖಾನೆಯು ಈ ಬೆಳೆಯನ್ನು, 1949ರ ಕೊಂಚ ಬೆಳೆಯನ್ನೂ ಮೂರು ವಾರಗಳಲ್ಲಿ ಅರೆದು ಮುಗಿಸಿತು.

ಗೌರಿಬಿದನೂರು ಮತ್ತು ಕುಣಿಗಲ್‌ ಮುಂತಾದ ಸಂಸ್ಥಾನದ ಇತರೆ ಪ್ರದೇಶಗಳಿಂದ ಕಬ್ಬನ್ನು ತರಿಸುವ ಯೋಚನೆ ಮಾಡಲಾಗುತ್ತಿದೆ.