75 ವರ್ಷಗಳ ಹಿಂದೆ | ಸ್ವಾತಂತ್ರ್ಯದ ಅರ್ಥ, ಹೊಣೆ ಅರಿತು ಜನ ವರ್ತಿಸಲಿ

ನವದೆಹಲಿ, ಆಗಸ್ಟ್‌ 15– ಸ್ವಾತಂತ್ರ್ಯವು ತನ್ನೊಡನೆ ತಂದ ಜವಾಬ್ದಾರಿಯನ್ನು ದೇಶದ ಪ್ರತಿಯೊಬ್ಬ ಪುರುಷನೂ, ಸ್ತ್ರೀಯೂ ಅರಿತು, ಅದಕ್ಕೆ ತಕ್ಕಂತೆ ನಡೆದುಕೊಳ್ಳಬೇಕೆಂದು ಪ್ರಧಾನಿ ಪಂಡಿತ ಜವಾಹರಲಾಲ್‌ ನೆಹರೂ ಅವರು ನಾಡಿನ ಸ್ವಾತಂತ್ರ್ಯ ದಿನದ ಸಂದೇಶ ನೀಡುತ್ತ, ಕರೆ ಇತ್ತಿದ್ದಾರೆ.

‘ಜನತೆ ಈ ಜವಾಬ್ದಾರಿಯನ್ನರಿತು ಕೊಳ್ಳದಿದ್ದರೆ, ಅವರು ಸ್ವಾತಂತ್ರ್ಯದ ಅರ್ಥವನ್ನೂ ಅರಿತುಕೊಂಡಂತಾಗದೆ, ಆಂತರಿಕ ಅಥವಾ ಬಾಹ್ಯ ತೊಂದರೆಗಳಿಂದ ರಕ್ಷಿಸಿಕೊಳ್ಳಲು ಸಾಧ್ಯವಾದೀತು’ ಎಂದು ಪಂಡಿತ ಅವರು ಎಚ್ಚರಿಕೆಯ ನುಡಿಯಾಡಿದ್ದಾರೆ.