ಅಂತೂ ಬಂತು ಚುನಾವಣೆ

ಅಂತೂ ಬಂತೂ ಚುನಾವಣೆ ಬಂತು
ಮತದಾರನ ಮುಂದಿಟ್ಟರು ಪ್ರಣಾಳಿಕೆಗಳ ಗಂಟು

ಮರಿ ಪುಢಾರಿಗಳು ಹಂಚಿದರು ರೊಕ್ಕದ ಗಂಟು
ಮತದಾರನಿಗೆ –ರಾಜಕಾರಣಿಗೆ ಬೆಸೆಯಿತು ನಂಟು

ಮತದಾನ ಬಳಿಕ ಕಳಚೀತು ನಂಟು
ಗೆದ್ದ ಮೇಲೆ ಬರಲಿದೆ ಕೋಟು-, ಸೂಟು-ಬೂಟು

ತೆರೆದು ಓದಲಿಲ್ಲ ಸಂವಿಧಾನದ ಗಂಟು
ಮೂಲೆಗೆ ಸೇರಲಿದೆ ಪ್ರಣಾಳಿಕೆಗಳ ಗಂಟು

ಬಿಚ್ಚಿ ನೋಡುವುದಿಲ್ಲ ಜನರ ಸಮಸ್ಯೆಗಳ ಗಂಟು
ಮತದಾರನ ಮೇಲೆ ಹೇರುತ್ತಾರೆ ತೆರಿಗೆ ಗಂಟು

ಅಂತೂ ಮತ್ತೆ ಚುನಾವಣೆ ಬಂತು