ಜ್ಞಾನಪೀಠಾ ಗಾನಪೀಠಾ
ಎತ್ತು ಹಕ್ಕಲ ಹಾರಿತೊ
ಸಾವಳಿಗಿಯ ಮಠದ ರೊಟ್ಟಿಯು
ಹತ್ತು ಕಡಲನು ದಾಟಿತೊ
ಮಣ್ಣ ಹುಡುಗನ ಸೀಗಿಹಬ್ಬಕೆ
ದಿಲ್ಲಿ ಓಡುತ ಬಂದಿತೊ
ತಾಯಿ ಭಾಷೆಗೆ ಜೋಳ ರಾಶಿಗೆ
ಗೋದಿ ಬೆಲ್ಲವು ಬಾಗಿತೊ
ಕುಲಿಮೆ ಕೆಂಡದ ತಿದಿಯ ದುಡಿಮೆಗೆ
ವಿಶ್ವಪೂಜೆಯು ಸಂದಿತೊ
ಚಂದ್ರಶೇಖರ ಕಂಬಾರರ
ತಾಯ ಜೋಗುಳ ಕೇಳಿತೊ
ಇಗೋ ಕನ್ನಡ ಮಹಾಮಠದಲಿ
ಜ್ಞಾನಪೀಠದ ಠಂಠಂಣಾ
ಹಸಿದ ಕನ್ನಡ
ಹುಡುಗನೊಬ್ಬನ
ವಿಶ್ವ ಗಂಟೆಯ
ಢಂಢಣಾ !!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.