ಕೃಷಿ ಮಾರುಕಟ್ಟೆಗಳಲ್ಲಿ ಅಧಿಕೃತ ಬಿಲ್‌ ಕೊಡಿಸಿ

ಕೃಷಿ ಮಾರುಕಟ್ಟೆಗಳಲ್ಲಿ ರೈತರಿಂದ ಕೃಷಿ ಉತ್ಪನ್ನಗಳನ್ನು ಖರೀದಿಸುವ ಮಂಡಿಗಳವರಾಗಲೀ, ಕಮಿಷನ್ ಏಜೆಂಟರಾಗಲೀ ರೈತರಿಗೆ ಅಧಿಕೃತ ಬಿಲ್ ನೀಡುವುದಿಲ್ಲ. ಬದಲಿಗೆ ಸಣ್ಣ ಸಣ್ಣ ಚೀಟಿಗಳಲ್ಲೇ ವ್ಯವಹಾರ ಮುಗಿಸುತ್ತಾರೆ.

ತೆಂಗು, ಅಡಿಕೆ ಮುಂತಾದ ಉತ್ಪನ್ನಗಳನ್ನು ಮಾರಾಟ ಮಾಡುವ ರೈತರು ಹಲವು ಲಕ್ಷ ರೂಪಾಯಿಗಳ ವಹಿವಾಟುನಡೆಸುತ್ತಾರೆ. ಆದರೆ ಯಾವುದಕ್ಕೂ ಬಿಲ್‌ ಇರುವುದಿಲ್ಲ.

ರೈತರ ಬೆಳೆಗಳಿಗೆ ಬಿಲ್‌ ಕೊಡುವ ವ್ಯವಸ್ಥೆಯೇ ಇಲ್ಲದಿದ್ದರೆ ರೈತರ ಆದಾಯಕ್ಕೆ ದಾಖಲೆ ಯಾವುದು? ಆದ್ದರಿಂದ, ರಾಜ್ಯದ ಎಲ್ಲ ಕೃಷಿ ಉತ್ಪನ್ನ‌ ಮಾರುಕಟ್ಟೆಗಳಲ್ಲಿ ವರ್ತಕರು ಕಡ್ಡಾಯವಾಗಿ ಬಿಲ್‌ ನೀಡುವಂತೆ ವ್ಯವಸ್ಥೆ ಮಾಡಬೇಕು.