ಸಾವಿನ ಮನೆಯಲ್ಲಿ ರಾಜಕಾರಣ ಸಲ್ಲ

ಕೋವಿಡ್‌ನಿಂದ ಇತ್ತೀಚೆಗೆ ಮೃತಪಟ್ಟ, ಕೇಂದ್ರ ಸಚಿವರಾಗಿದ್ದ ಸುರೇಶ ಅಂಗಡಿ ನಂತರ ಅವರ ಉತ್ತರಾಧಿಕಾರಿ ಯಾರು? ಪತ್ನಿ ಅಥವಾ ಹೊಸ ಮುಖಗಳಿಗೆ ಅವಕಾಶ ಸಿಗಬಹುದೇ ಎಂಬಂಥ ಸುದ್ದಿಗಳನ್ನು ಕೆಲ ಮಾಧ್ಯಮಗಳು ಪ್ರಕಟಿಸುತ್ತಿವೆ. ಆದರೆ ಇದು ಅಂಗಡಿಯವರ ಆಪ್ತ ವಲಯಕ್ಕೆ ನೋವು, ಜುಗುಪ್ಸೆ ತರುವಂತಹದ್ದು. ಅಂಗಡಿ ಅವರ ಅಕಾಲಿಕ ಅಗಲಿಕೆಯ ನೋವಿನಿಂದ ಅವರೆಲ್ಲ ಇನ್ನೂ ಹೊರಬಂದಿರಲು ಸಾಧ್ಯವಿಲ್ಲ. ಹೀಗಿರುವಾಗ ಇಂತಹ ಚರ್ಚೆಗಳಿಂದ ಆ ನೋವಿನ ಮೇಲೆ ಮತ್ತೊಂದು ಬರೆ ಎಳೆದಂತೆ ಆಗುತ್ತದೆ. ಸಾವಿನ ಮನೆಯಲ್ಲಿ ರಾಜಕಾರಣ ಮಾಡುವುದಕ್ಕಿಂತ ಈ ವಿಷಯದ ಚರ್ಚೆಯನ್ನು ಮುಂದೂಡುವುದು ಸೂಕ್ತ.

ಬಸವಪ್ರಸಾದ ಸಂಕಪಾಳ, ನೇರ್ಲಿ, ಬೆಳಗಾವಿ