ಮಂಗಳನ ಅಂಗಳದಲ್ಲಿ ನಾಸಾ ಸಂಸ್ಥೆಯು ಹೆಲಿಕಾಪ್ಟರ್ ಅನ್ನು ಹಾರಿಸಿದೆ (ಪ್ರ.ವಾ., ಏ. 20). ಕಳೆದ ಆರು ವರ್ಷಗಳ ಸತತ ಪ್ರಯತ್ನದಿಂದಾಗಿ ನಾಸಾ ಈ ಮಹತ್ವದ ಸಾಧನೆಯನ್ನು ಮಾಡಿದೆ. ಇದನ್ನು ಕೇವಲ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆಯ ಸಾಧನೆಯನ್ನಾಗಿ ನೋಡದೆ ಇಡೀ ಮನುಕುಲದ ಸಾಧನೆಯನ್ನಾಗಿ ನೋಡಬೇಕಿದೆ.
ಈ ಪ್ರಯೋಗದ ಇನ್ನೊಂದು ಮಹತ್ವದ ಅಂಶವೆಂದರೆ, ಹೆಲಿಕಾಪ್ಟರಿನ ಯಶಸ್ವಿ ಹಾರಾಟಕ್ಕೆ ಬೇಕಾದ ಬಲ ಪ್ರಮಾಣವನ್ನು ನಿರ್ಧರಿಸಲು ನಾಸಾದ ವಿಜ್ಞಾನಿಗಳು ಬಳಸಿದ್ದು ನ್ಯೂಟನ್ನ ನಿಯಮಗಳನ್ನೇ. ಅಂದರೆ, ಶತಮಾನದಿಂದ ಭೂಮಿಯ ಮೇಲೆ ವಿಮಾನಗಳನ್ನು ಹಾರಿಸಲು ವಿಜ್ಞಾನಿಗಳು ಬಳಸುತ್ತಿದ್ದ ನ್ಯೂಟನ್ನ ನಿಯಮಗಳು ಮಂಗಳದಲ್ಲೂ (ಗುರುತ್ವಶಕ್ತಿ ಮತ್ತು ವಾತಾವರಣದ ಒತ್ತಡದ ಪ್ರಮಾಣಗಳು ಮಾತ್ರ ಬೇರೆ) ಅನ್ವಯವಾಗುತ್ತವೆ ಎಂಬುದು ಈ ಪ್ರಯೋಗದಿಂದ ಸಾಬೀತಾಗಿದೆ.
- ಡಾ. ಸುದರ್ಶನ ಪಾಟೀಲ ಕುಲಕರ್ಣಿ,ಮೈಸೂರು
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.