ಶೋಭರಾಜ್‌ ನೆನಪಿಸಿದ ಮಾಧ್ಯಮ

ಕುಖ್ಯಾತ ಸರಣಿ ಹಂತಕ ಚಾರ್ಲ್ಸ್ ಶೋಭರಾಜ್ ಅವರಿಗೆ 77 ವರ್ಷ ಆಗಿರುವುದರಿಂದ ಬಿಡುಗಡೆ ಮಾಡುವಂತೆ ಕೋರಿ ಸಲ್ಲಿಸಲಾಗಿರುವ ಅರ್ಜಿಗೆ ಸಂಬಂಧಿಸಿದಂತೆ ಮೂರು ದಿನಗಳಲ್ಲಿ ಉತ್ತರಿಸುವಂತೆ ನೇಪಾಳದ ಸುಪ್ರೀಂ ಕೋರ್ಟ್, ಸರ್ಕಾರಕ್ಕೆ ನೋಟಿಸ್ ಜಾರಿ ಮಾಡಿರುವುದು ವರದಿಯಾಗಿದೆ (ಪ್ರ.ವಾ., ಡಿ. 24).

ಜಗತ್ತು ಶೋಭರಾಜ್ ಕುರಿತಂತೆ ಬಹುತೇಕ ಮರೆತೇಹೋಗಿತ್ತು. ಇಂದಿನವರಿಗಂತೂ ಆತನ ಹೆಸರೇ ಗೊತ್ತಿಲ್ಲದೇ ಇರಬಹುದು. ಹಲವಾರು ವರ್ಷಗಳಿಂದ ಆತನ ಸುದ್ದಿಯೇ ಇರಲಿಲ್ಲ. ಅಂತಹ ವ್ಯಕ್ತಿಯ ಕುರಿತ ಸುದ್ದಿಯನ್ನು ಪತ್ರಿಕೆ ಪ್ರಕಟಿಸಿದೆ. ಜಗತ್ತಿನ ಮೂಲೆಮೂಲೆಯಲ್ಲಿ ನಡೆಯುವ ವಿಚಾರಗಳೆಡೆ ಮಾಧ್ಯಮಗಳು ಕಣ್ಣಿಟ್ಟು, ಅವುಗಳನ್ನು ಜನರಿಗೆ ತಲುಪಿಸಲು ಶ್ರಮಿಸುತ್ತವೆ ಎಂಬುದಕ್ಕೆ ಇದೇ ನಿದರ್ಶನ.

–ಪತ್ತಂಗಿ ಎಸ್. ಮುರಳಿ, ಬೆಂಗಳೂರು