ವಾಚಕರ ವಾಣಿ | ಆಸ್ತಿ ತೆರಿಗೆ: ಆನ್‌ಲೈನ್‌ ಸೌಲಭ್ಯ ವಿಸ್ತರಣೆಯಾಗಲಿ

ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಆಸ್ತಿ ತೆರಿಗೆಯನ್ನು ಆನ್‌ಲೈನ್ ಮುಖಾಂತರ ಪಾವತಿ ಮಾಡುವ ಸೌಲಭ್ಯ ಕಲ್ಪಿಸಲಾಗಿದೆ. ಇದರಿಂದ ನಾಗರಿಕರಿಗೆ ಅನುಕೂಲವಾಗಿದೆ. ಇದೇ ರೀತಿ ನಗರಸಭೆ, ಪುರಸಭೆಗಳಿಗೂ ಆನ್‌ಲೈನ್ ಮುಖಾಂತರ ಆಸ್ತಿ ತೆರಿಗೆಯನ್ನು ಪಾವತಿಸುವ ಸೌಲಭ್ಯವನ್ನು ನಗರಾಭಿವೃದ್ಧಿ ಇಲಾಖೆಯು ಜಾರಿಗೆ ತರಬೇಕು. ಆಗ ಅಲ್ಲಿನ ನಾಗರಿಕರು ಈ ಸಂಬಂಧ ನಗರಸಭೆ, ಪುರಸಭೆಗಳಿಗೆ ಎಡತಾಕುವುದು ಮತ್ತು ತೆರಿಗೆ ಹಣ ಪಾವತಿಸಲು ಬ್ಯಾಂಕ್‌ಗಳಿಗೆ ಅಲೆದಾಡುವುದನ್ನು ತಪ್ಪಿಸಿದಂತಾಗುತ್ತದೆ.

-ಎಚ್.ಕೆ.ಸುಂದರ್ ರಾವ್, ಹಾಸನ