ಪಿಯುಸಿ ಮೌಲ್ಯಮಾಪನ: ಹೀಗಿರಲಿ ವ್ಯವಸ್ಥೆ

ಈ ಬಾರಿಯ ಪಿಯುಸಿ ಮೌಲ್ಯಮಾಪನವು ಕೊರೊನಾದಿಂದಾಗಿ ಗೊಂದಲದಲ್ಲಿ ಸಿಲುಕಿದೆ. ವಸತಿಗೃಹಗಳು ಮತ್ತು ಹೋಟೆಲ್‌ಗಳು ಇನ್ನೂ ಪ್ರಾರಂಭವಾಗಿಲ್ಲ. ಮೌಲ್ಯಮಾಪನ ಕಾರ್ಯದಲ್ಲಿ ತೊಡಗಬೇಕಾದವರನ್ನು ಇದು ತೊಂದರೆಗೆ ಸಿಲುಕಿಸಿದೆ.

ಮನೆಯಿಂದ ಹೊರಗೆ ತಂಗುವುದು, ಗುಂಪಿನಲ್ಲಿ ಇರುವುದು ಸುರಕ್ಷಿತವಲ್ಲವಾದ್ದರಿಂದ ಯಾವ ಜಿಲ್ಲೆಯಲ್ಲಿ ಉಳಿದುಕೊಂಡರೂ ಉಪನ್ಯಾಸಕರು ಇದೇ ಅಪಾಯವನ್ನು ಎದುರಿಸುತ್ತಾರೆ. ಹೀಗಾಗಿ ಇಲಾಖೆಯು ಉತ್ತರ ಪತ್ರಿಕೆಗಳನ್ನು ಜಿಲ್ಲಾವಾರು ಹಂಚಿಕೆ ಮಾಡುವುದು ಉಚಿತವೆನಿಸುತ್ತದೆ.

ಆಗ ತಮ್ಮ ಊರುಗಳಿಂದ ತಾಲ್ಲೂಕು ಹಾಗೂ ಜಿಲ್ಲಾ ಕೇಂದ್ರಗಳಿಗೆ ಬಂದು ಹೋಗಲು ಸಾಧ್ಯವಿರುವ ಎಲ್ಲ ವಿಷಯಗಳ ಎಲ್ಲ ಉಪನ್ಯಾಸಕರಿಗೆ ಮೌಲ್ಯಮಾಪನವನ್ನು ಕಡ್ಡಾಯಗೊಳಿಸಬಹುದು. ವಿಜ್ಞಾನ ವಿಷಯಕ್ಕೆ ಕೆಲವು ಜಿಲ್ಲೆಗಳು ಉಪನ್ಯಾಸಕರ ಕೊರತೆ ಎದುರಿಸಬಹುದು. ಅಲ್ಲಿ, ಇತ್ತೀಚೆಗೆ ನಿವೃತ್ತರಾದ ಹಾಗೂ ಅನುದಾನ ರಹಿತ ಕಾಲೇಜುಗಳ ಉಪನ್ಯಾಸಕರ ನೆರವು ಪಡೆಯಬಹುದು.

–ಮಹಾಂತೇಶ, ಮಸ್ಕಿ