ಕಾವಲು ಪಡೆ ನೇಮಿಸಿ

ಕೊರೊನಾ ವೈರಸ್‌ಗೆ ಸಂಬಂಧಿಸಿದ ಲಾಕ್‌ಡೌನ್‌ನಿಂದಾಗಿ ರಾಜ್ಯ ಮತ್ತು ರಾಷ್ಟ್ರದಲ್ಲಿ ಮದ್ಯ ಸರಬರಾಜು ಸ್ಥಗಿತಗೊಂಡಿದೆ. ಇದರ ಫಲವಾಗಿ ಮದ್ಯ ಗ್ರಾಹಕರಿಗೆ ಬಾಯಿ ಕಟ್ಟಿದಂತೆ ಆಗಿರುವುದು ಸಹಜವೇ. ಕಳ್ಳಬಟ್ಟಿ ಸಾರಾಯಿ ತಯಾರಕರು ಇದರ ಲಾಭ ಪಡೆದು, ಅಲ್ಲಲ್ಲಿ ನಿಗೂಢ ಪ್ರದೇಶದಲ್ಲಿ ತಮ್ಮ ದಂಧೆ ಆರಂಭಿಸಿ ಸರ್ಕಾರಕ್ಕೆ, ಸಮಾಜಕ್ಕೆ ಮತ್ತೆ ತಲೆನೋವಾಗಿ ಪರಿಣಮಿಸಬಹುದು.
ಈ ಪಿಡುಗು ಉಲ್ಬಣಿಸುವ ಮೊದಲೇ ಸಂಬಂಧಪಟ್ಟ ಇಲಾಖೆ ಎಚ್ಚೆತ್ತು, ಪರಿಣಾಮಕಾರಿ ಕಾವಲು ಪಡೆ ನೇಮಿಸಿ ಕ್ರಮ ಕೈಗೊಳ್ಳಬೇಕು.

- ಬಿ.ರಮೇಶ್, ಬೆಂಗಳೂರು