ಶಾಲೆಗಳಲ್ಲಿ ಯೋಗ ತರಗತಿ ಆರಂಭಿಸಿ

ಇಂದಿನ ಮಕ್ಕಳಿಗೆ ದೈಹಿಕ ವ್ಯಾಯಾಮ ಸಿಗುತ್ತಿಲ್ಲ. ಮನೆಯಿಂದ ಶಾಲೆಗೆ ಹೋಗಿ ಬರಲು ಬಸ್‌ ಅಥವಾ ಆಟೊ ವ್ಯವಸ್ಥೆ ಇರುತ್ತದೆ.

ಓದು, ಮನೆಪಾಠದ ನಡುವೆ ಮಕ್ಕಳು ಸಮಯ ಸಿಕ್ಕರೆ ಮೊಬೈಲ್‌ನಲ್ಲಿ ಆಟ ಆಡುತ್ತಾ, ಟಿ.ವಿ. ನೋಡುತ್ತಾ ಕಾಲಕಳೆಯುತ್ತಾರೆ. ಇದರಿಂದ ಅನೇಕ ಮಕ್ಕಳಲ್ಲಿ ಬೊಜ್ಜು ಬೆಳೆದು ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದಾರೆ.

ಆದ್ದರಿಂದ ಎಲ್ಲ ಶಾಲೆಗಳಲ್ಲಿ ಮಕ್ಕಳಿಗೆ ಯೋಗ ತರಗತಿಯನ್ನು ಆರಂಭಿಸಬೇಕು. ಇದರಿಂದ ಮಕ್ಕಳ ದೇಹ ಹಾಗೂ ಮನಸ್ಸಿಗೆ ಚೈತನ್ಯ ದೊರೆಯುತ್ತದೆ.

ಎಂ.ಎಸ್‌.ಉಷಾ ಪ್ರಕಾಶ್‌,ಮೈಸೂರು