ಎಫ್‌ಸಿ ಪುಣೆ ತಂಡಕ್ಕೆ ಅರ್ಜುನ್‌ ಕಪೂರ್ ಸಹ ಮಾಲೀಕ
ಮುಂಬೈ: ಬಾಲಿವುಡ್‌ ನಟ ಅರ್ಜುನ್‌ ಕಪೂರ್, ಇಂಡಿಯನ್‌ ಸೂಪರ್‌ ಲೀಗ್‌ (ಐಎಸ್‌ಎಲ್‌) ಫುಟ್‌ಬಾಲ್‌ ಟೂರ್ನಿಯಲ್ಲಿ ಆಡುವ ಎಫ್‌ಸಿ ಪುಣೆ ಸಿಟಿ ತಂಡದ ಸಹ ಮಾಲೀಕತ್ವ ಪಡೆದಿದ್ದಾರೆ.ಈ ವಿಷಯವನ್ನು ಪುಣೆ ಫ್ರಾಂಚೈಸ್‌ ಗುರುವಾರ ಪ್ರಕಟಿಸಿದೆ.
‘ಅರ್ಜುನ್‌ ಕಪೂರ್ ಅವರು ತಂಡದ ಸಹ ಮಾಲೀಕತ್ವ ಪಡೆದಿರುವುದು ಖುಷಿಯ ವಿಷಯ. ಅವರ ಸೇರ್ಪಡೆಯಿಂದ ನಮಗೆ ಇನ್ನಷ್ಟು ಬಲ ಬಂದಂತಾಗಿದೆ. ಅಭಿಮಾನಿಗಳನ್ನು ಕ್ರೀಡಾಂಗಣದತ್ತ ಸೆಳೆಯಲು ಅವರ ತಾರಾ ವರ್ಚಸ್ಸು ನೆರವಾಗಲಿದೆ’ ಎಂದು ಕ್ಲಬ್‌ನ ಸಿಇಒ ಗೌರವ್‌ ಮಾಡ್ವೆಲ್‌ ತಿಳಿಸಿದ್ದಾರೆ.
‘ಫುಟ್‌ಬಾಲ್‌ ಆಟವನ್ನು ನಾನು ತುಂಬಾ ಪ್ರೀತಿಸುತ್ತೇನೆ. ಎಳವೆಯಿಂದಲೂ ಈ ಕ್ರೀಡೆಯ ಬಗ್ಗೆ ವಿಶೇಷ ಆಸಕ್ತಿ ಬೆಳೆಸಿಕೊಂಡಿದ್ದೇನೆ. ಬಿಡುವಾದಾಗಲೆಲ್ಲಾ ಈಗಲೂ ಗೆಳೆಯರೊಡನೆ ಫುಟ್‌ಬಾಲ್‌ ಆಡುತ್ತೇನೆ. ಸ್ನೇಹಿತರೂ ಕೂಡ ವಿವಿಧ ಕ್ಲಬ್‌ಗಳ ಸಹ ಒಡೆಯರಾಗಿದ್ದಾರೆ’ ಎಂದು ಅರ್ಜುನ್‌ ಕಪೂರ್ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.