ಟೆನಿಸ್: ಬೋಪಣ್ಣ, ಮೈನೇನಿಗೆ ಪ್ರಶಸ್ತಿ

ನವದೆಹಲಿ: ಭಾರತದ ರೋಹನ್ ಬೋಪಣ್ಣ ಹಾಗೂ ಪ್ಯಾಬ್ಲೊ ಕ್ಯುವಾಸ್ ಜೋಡಿ ಎರ್ಸಟೆ ಓಪನ್ ಟೆನಿಸ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದರೆ, ಸಾಕೇತ್ ಮೈನೇನಿ ಹಾಗೂ ಸುಂದರ್ ಪ್ರಶಾಂತ್ ಜೋಡಿ ವಿಯೆಟ್ನಾಂ ಓಪನ್‌ನಲ್ಲಿ ಪ್ರಶಸ್ತಿ ಎತ್ತಿಹಿಡಿದಿದೆ.

ವೀಯೆನ್ನಾದಲ್ಲಿ ನಡೆದ ಟೂರ್ನಿಯಲ್ಲಿ ಬೋಪಣ್ಣ ಹಾಗೂ ಕ್ಯುವಾಸ್‌ ಪುರುಷರ ಡಬಲ್ಸ್‌ ವಿಭಾಗದ ಫೈನಲ್‌ನಲ್ಲಿ 7–6, 6–7, 11–9ರಲ್ಲಿ ಸ್ಯಾಮ್‌ ಕ್ವೆರಿ ಮತ್ತು ಮಾರ್ಸೆಲೊ ಡೆಮೊಲಿನೆರ್ ಅವರನ್ನು ಮಣಿಸಿತು.

ವಿಯೆಟ್ನಾಂನಲ್ಲಿ ಮೈನೇನಿ ಹಾಗೂ ಪ್ರಶಾಂತ್ ಜೋಡಿ 7–6, 7–6ರಲ್ಲಿ ನೇರ ಸೆಟ್‌ಗಳಿಂದ ಜಪಾನ್‌ನ ಗೊ ಸೆಡಾ ಮತ್ತು ಬೆನ್‌ ಮೆಕಾಲನ್‌ ವಿರುದ್ಧ ಗೆದ್ದಿತು.