ನಾಸ್ಕರ್ ಚಾಲಕ ಜೇಸನ್ ಲೆಫ್ಲೆರ್ ಸಾವು

ಬ್ರಿಜ್‌ಪೋರ್ಟ್, ನ್ಯೂಜೆರ್ಸಿ (ಎಪಿ): ಬ್ರಿಜ್‌ಪೊರ್ಟ್‌ನಲ್ಲಿ ಬುಧವಾರ ರಾತ್ರಿ ನಡೆದ ಡರ್ಟ್ ಕಾರ್ ರೇಸ್‌ನಲ್ಲಿ ಅಪಘಾತಕ್ಕೀಡಾಗಿದ್ದ ನಾಸ್ಕರ್(ಎನ್‌ಎಎಸ್‌ಸಿಆರ್) ಚಾಲಕ ಜೇಸನ್ ಲೆಫ್ಲೆರ್ ಸಾವನ್ನಪ್ಪಿದ್ದಾರೆ. ಈ ವಿಷಯವನ್ನು ನ್ಯೂಜೆರ್ಸಿ ರಾಜ್ಯ ಪೊಲೀಸರು ತಿಳಿಸಿದ್ದಾರೆ.

37 ವರ್ಷ ವಯಸ್ಸಿನ ಲೆಫ್ಲೆರ್ ನಿಧನಕ್ಕೆ `ನಾಸ್ಕರ್' ರೇಸ್ ತಂಡ ಸಂತಾಪ ಸೂಚಿಸಿದೆ. ಅಷ್ಟು ಮಾತ್ರವಲ್ಲದೇ, ಅವರ ಕುಟುಂಬದ ಬಗ್ಗೆ ಅನುಕಂಪ ವ್ಯಕ್ತಪಡಿಸಿದೆ. `ಒಂದು ದಶಕಕ್ಕೂ ಹೆಚ್ಚಿನ ಕಾಲ ಜೇಸನ್ ಉತ್ಸಾಹದಿಂದ ಸ್ಪರ್ಧೆಗಳಲ್ಲಿ ಪಾಲ್ಗೊಳ್ಳಲುತ್ತಿದ್ದರು. ಅವರ ಅನುಪಸ್ಥಿತಿ ಕಾಡಲಿದೆ' ಎಂದು ನಾಸ್ಕರ್ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.