ವಿಕಾಸ್, ಪೂನಿಯಾಗೆ ವೈಯಕ್ತಿಕ ಕೋಚ್

ನವದೆಹಲಿ (ಪಿಟಿಐ): ವಿಕಾಸ್ ಗೌಡ ಹಾಗೂ ಕೃಷ್ಣ ಪೂನಿಯಾ ಅವರೊಂದಿಗೆ ವೈಯಕ್ತಿಕ ಕೋಚ್‌ಗಳು ಲಂಡನ್ ಒಲಿಂಪಿಕ್ ಕ್ರೀಡಾಕೂಟಕ್ಕೆ ಹೋಗಲು ಭಾರತ ಅಥ್ಲೆಟಿಕ್ಸ್ ಫೆಡರೇಷನ್ ಅವಕಾಶ ನೀಡಿದೆ.
ಡಿಸ್ಕಸ್ ಥ್ರೋ ಸ್ಪರ್ಧಿ ವಿಕಾಸ್‌ಗೆ ಅವರ ತಂದೆ ಶಿವೇಗೌಡ ಅವರೇ ಕೋಚ್ ಆಗಿದ್ದಾರೆ. ಪೂನಿಯಾಗೆ ಅವರ ಪತಿ ವಿರೇಂದ್ರ ಅವರು ಕೋಚ್ ಆಗಿದ್ದಾರೆ.

ರಾಷ್ಟ್ರೀಯ ಪ್ರಧಾನ ಕೋಚ್ ಬಹಾದ್ದೂರ್ ಸಿಂಗ್ ಅವರಿಗೂ ಮಾನ್ಯತಾ ಪತ್ರ ಸಿಕ್ಕಿದೆ. ಅಷ್ಟೇ ಅಲ್ಲ ನಡಿಗೆ ಸ್ಪರ್ಧಿಗಳ ಜತೆ ಕೋಚ್‌ಗಳಾಗಿ ಗುರುದೇವ್ ಸಿಂಗ್ ಮತ್ತು ಆರ್.ಗಾಂಧಿ  ಹೋಗುವುದಕ್ಕೆ ಫೆಡರೇಷನ್ ಸಮ್ಮತಿಸಿದೆ.