ಹಾಕಿ: ಫೈನಲ್‌ಗೆ ಜರ್ಮನಿ

ಲಂಡನ್ (ಪಿಟಿಐ): ಕಳೆದ ಸಲದ ಚಾಂಪಿಯನ್ ಜರ್ಮನಿ ಲಂಡನ್ ಒಲಿಂಪಿಕ್ಸ್ ಪುರುಷರ ವಿಭಾಗದ ಹಾಕಿಯಲ್ಲಿ ಈ ಸಲವೂ ಫೈನಲ್ ಪ್ರವೇಶಿಸಿದೆ. ಗುರುವಾರ ನಡೆದ ಸೆಮಿಫೈನಲ್‌ನಲ್ಲಿ ಜರ್ಮನಿ 4-2ಗೋಲುಗಳಿಂದ ಆಸ್ಟ್ರೇಲಿಯಾವನ್ನು ಮಣಿಸಿತು.

ಆಸ್ಟ್ರೇಲಿಯಾದ ಮ್ಯಾಕ್ಸ್  ವೈನ್ ಹೋಲ್ಡ್ 22ನೇ ನಿಮಿಷದಲ್ಲಿ ಗೋಲಿನ ಖಾತೆ ತೆರೆದರು. ಇನ್ನೊಂದು ಗೋಲನ್ನು ಇದಾದ ನಾಲ್ಕು ನಿಮಿಷದ ನಂತರ ಜರ್ಮನಿಯ ಮೊರಿಟ್ಜಾ ಫ್ಯೂರಿಸ್ಟ್ ಪೆನಾಲ್ಟಿ ಕಾರ್ನರ್ ಮೂಲಕ ಗೋಲು ತಂದಿತ್ತರು.

2004ರ ಒಲಿಂಪಿಕ್ಸ್‌ನಲ್ಲಿ ಚಿನ್ನ ಗೆದ್ದಿದ್ದ ಆಸ್ಟ್ರೇಲಿಯಾ ನಂತರ ಪ್ರಬಲ ಹೋರಾಟ  ತೋರುವಲ್ಲಿ ವಿಫಲವಾಯಿತು. ನಂತರ ಚುರುಕಾದ ಪ್ರದರ್ಶನ ನೀಡಿದ ಜರ್ಮನಿ ಫೈನಲ್‌ಗೆ ಲಗ್ಗೆ ಇಟ್ಟಿತು.