ಅಫ್ಗಾನಿಸ್ತಾನದ ವಿರುದ್ಧ ಇಂತಹ ಬ್ಯಾಟಿಂಗ್ ನಿರೀಕ್ಷೆ ಇರಲಿಲ್ಲ: ಮಾರ್ಗನ್

ಲಂಡನ್: 'ಮಂಗಳವಾರ ನಮ್ಮ ಪಾಲಿಗೆ ಅವಿಸ್ಮರಣೀಯ ದಿನ. ಬ್ಯಾಟಿಂಗ್‌ ಮಾಡಲು ವಿಕೆಟ್‌ ತುಂಬಾ ಚೆನ್ನಾಗಿತ್ತು. ಇಂತಹ ಇನಿಂಗ್ಸ್‌ ಆಡುತ್ತೇನೆ ಎಂಬ ನಿರೀಕ್ಷೆ ನನಗೇ ಇರಲಿಲ್ಲ’ ಎಂದು ಇಂಗ್ಲೆಂಡ್ ತಂಡದ ನಾಯಕ ಇಯಾನ್ ಮಾರ್ಗನ್ ಹೇಳಿದ್ಧಾರೆ.

ಮಂಗಳವಾರ ನಡೆದ ಪಂದ್ಯದಲ್ಲಿ ಅವರು ಅಫ್ಗಾನಿಸ್ತಾನದ ವಿರುದ್ಧದಾಖಲೆಯ ಶತಕ ಬಾರಿಸಿದ್ದರು. ಕೇವಲ 71 ಎಸೆತಗಳಲ್ಲಿ 148 ರನ್‌ಗಳನ್ನು ಹೊಡೆದಿದ್ದರು. ಅದರಲ್ಲಿ ಅವರು 17 ಸಿಕ್ಸರ್ ಮತ್ತು ನಾಲ್ಕು ಬೌಂಡರಿಗಳನ್ನು ದಾಖಲಿಸಿದ್ದರು. ಅದರಿಂದಾಗಿ ತಂಡವು 50 ಓವರ್‌ಗಳಲ್ಲಿ 397 ರನ್ ಗಳಿಸಿತ್ತು. ಅಫ್ಗಾನಿಸ್ತಾನ ತಂಡವು 50 ಓವರ್‌ಗಳಲ್ಲಿ 8 ವಿಕೆಟ್‌ಗಳಿಗೆ 247 ರನ್‌ ಗಳಿಸಿ ಸೋತಿತ್ತು.