ಪಾಕ್‌ ಬ್ಯಾಟರ್‌ ಅಸಾದ್ ಶಫೀಕ್ ನಿವೃತ್ತಿ

ಕರಾಚಿ: ಪಾಕಿಸ್ತಾನದ ‌ಬ್ಯಾಟರ್​ ಅಸಾದ್ ಶಫೀಕ್ ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ.

ಅವರು 2010ರಿಂದ 2020ರವರೆಗೆ ಪಾಕಿಸ್ತಾನ ಟೆಸ್ಟ್ ತಂಡವನ್ನು ಪ್ರತಿನಿಧಿಸಿದ್ದರು. 37 ವರ್ಷದ ಆಟಗಾರ 77 ಪಂದ್ಯಗಳಲ್ಲಿ 38.19 ಸರಾಸರಿಯಲ್ಲಿ 12 ಶತಕ, 27 ಅರ್ಧಶತಕಗಳನ್ನು ಒಳಗೊಂಡಂತೆ 4,660 ರನ್ ಗಳಿಸಿದ್ದಾರೆ. ಅಲ್ಲದೆ, 60 ಏಕದಿನ ಮತ್ತು ಹತ್ತು ಟಿ‌20 ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ.

ಅಂತರರಾಷ್ಟ್ರೀಯ ಕ್ರಿಕೆಟ್​ಗೆ ಅಗತ್ಯವಿರುವ ಫಿಟ್‌ನೆಸ್ ಮಟ್ಟವನ್ನು ನಾನು ಹೊಂದಿಲ್ಲ. ಅದಕ್ಕಾಗಿಯೇ ನಾನು ಎಲ್ಲಾ ಮಾದರಿಯ ಕ್ರಿಕೆಟ್​​ಗೆ ವಿದಾಯ ಹೇಳಲು ನಿರ್ಧರಿಸಿದ್ದೇನೆ ಎಂದು ಭಾನುವಾರ ತಿಳಿಸಿದ್ದಾರೆ.