ಐಪಿಎಲ್‌: ಕೆಕೆಆರ್‌ ಹೆಡ್‌ ಕೋಚ್‌ ಹುದ್ದೆ ತೊರೆದ ಪಂಡಿತ್

ಕೋಲ್ಕತ್ತ: ಚಂದ್ರಕಾಂತ ಪಂಡಿತ್ ಅವರು ಕೋಲ್ಕತ್ತ ನೈಟ್‌ರೈಡರ್ಸ್‌ ತಂಡದ ಹೆಡ್‌ ಕೋಚ್‌ ಸ್ಥಾನವನ್ನು ತೊರೆದಿರುವುದಾಗಿ ಫ್ರಾಂಚೈಸಿಯು ಮಂಗಳವಾರ ಪ್ರಕಟಿಸಿದೆ. ಎರಡು ವರ್ಷ ಅವರು ಹೆಡ್‌ ಕೋಚ್ ಆಗಿದ್ದರು.

2024ರಲ್ಲಿ ಪಂಡಿತ್ ಅವರ ಅವಧಿಯಲ್ಲಿ ಚಾಂಪಿಯನ್ ಆಗಿದ್ದ ಕೆಕೆಆರ್ ತಂಡ, ಈ ವರ್ಷದ ಐಪಿಎಲ್‌ಲ್ಲಿ ಎಂಟನೇ ಸ್ಥಾನದೊಡನೆ ನಿರಾಸೆ ಅನುಭವಿಸಿತ್ತು. ಈ ಹಿಂದೆ ಒಮ್ಮೆ ಮಾತ್ರ ತಂಡ ಇಷ್ಟೊಂದು ಕೆಳಗಿನ ಸ್ಥಾನಕ್ಕೆ ಇಳಿದಿತ್ತು.

‘ಅವರು ಹೊಸ ಅವಕಾಶದ ನಿರೀಕೆಯಲ್ಲಿದ್ದಾರೆ. ಅವರು ಕೆಕೆಆರ್‌ ಹೆಡ್‌ ಕೋಚ್‌ ಆಗಿ ಮುಂದುವರಿಯುವುದಿಲ್ಲ’ ಎಂದು ಫ್ರಾಂಚೈಸಿಯು ಎಕ್ಸ್‌ನಲ್ಲಿ ತಿಳಿಸಿದೆ.