ಐಪಿಎಲ್: ಲಖನೌ ತಂಡಕ್ಕೆ ಫ್ಲವರ್ ಮುಖ್ಯ ಕೋಚ್

ಕೋಲ್ಕತ್ತ: ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯಲ್ಲಿ ಹೊಸದಾಗಿ ಸೇರ್ಪಡೆಯಾಗಿರುವ ಲಖನೌ ಫ್ರ್ಯಾಂಚೈಸಿಯ ಮುಖ್ಯ ಕೋಚ್ ಹುದ್ದೆಗೆ ಜಿಂಬಾಬ್ವೆಯ ಆ್ಯಂಡಿ ಫ್ಲವರ್ ಅವರನ್ನು ನೇಮಕ ಮಾಡಲಾಗಿದೆ.

ಕಳೆದೆರಡು ಋತುಗಳಲ್ಲಿ ಫ್ಲವರ್ ಪಂಜಾಬ್ ಕಿಂಗ್ಸ್ ತಂಡದಲ್ಲಿ ಸಹಾಯಕ ಕೋಚ್ ಆಗಿದ್ದರು. ಪಂಜಾಬ್ ತಂಡದ ನಾಯಕರಾಗಿದ್ದ ಕೆ.ಎಲ್. ರಾಹುಲ್ ಕೂಡ ಸಂಜೀವ್ ಗೊಯೆಂಕಾ ಒಡೆತನದ ಫ್ರ್ಯಾಂಚೈಸಿಗೆ ಸೇರ್ಪಡೆಯಾಗುವ ಸಾಧ್ಯತೆ ಇದೆ.