ಲಂಡನ್: ಸೌತಾಂಪ್ಟನ್ನಲ್ಲಿ ಈಚೆಗೆ ನಡೆದ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ನಲ್ಲಿ ನ್ಯೂಜಿಲೆಂಡ್ ತಂಡವು ಗೆಲುವಿನ ಗುರಿ ಬೆನ್ನಟ್ಟಿದ್ದ ಇನಿಂಗ್ಸ್ನ ಸಂದರ್ಭದಲ್ಲಿ ಬೌಲರ್ ಕೈಲ್ ಜೆಮಿಸನ್ ಶೌಚಾಲಯದಲ್ಲಿ ಅಡಗಿಕೊಂಡಿದ್ದರಂತೆ!
ನ್ಯೂಜಿಲೆಂಡ್ನ ವೇಗಿ ಜೆಮಿಸನ್ ಅವರು ಫೈನಲ್ನಲ್ಲಿ ಪಂದ್ಯಶ್ರೇಷ್ಠ ಗೌರವ ಗಳಿಸಿದ್ದರು. ತಂಡವು 139 ರನ್ಗಳ ಗುರಿ ಬೆನ್ನಟ್ಟಿದ್ದಾಗ ಅತೀವ ಭಾವೋದ್ವೇಗಕ್ಕೆ ಒಳಗಾಗಿದ್ದ ಅವರು ಇನಿಂಗ್ಸ್ನ್ನು ವೀಕ್ಷಿಸುವ ಬದಲು ಡ್ರೆಸಿಂಗ್ ಕೋಣೆಯ ಶೌಚಾಲಯದಲ್ಲಿ ಹೋಗಿ ಕುಳಿತಿದ್ದರು.
‘ಆ ಇನಿಂಗ್ಸ್ನ ಅವಧಿಯು ನನ್ನ ಪಾಲಿಗೆ ಬಹಳ ಕಠಿಣವಾಗಿತ್ತು. ನಮ್ಮ ಸಹ ಆಟಗಾರರು ಪಿಚ್ನಲ್ಲಿ ಉತ್ತಮವಾಗಿ ಬ್ಯಾಟಿಂಗ್ ಮಾಡುತ್ತಿದ್ದರು. ನಾವು ಡ್ರೆಸಿಂಗ್ ರೂಮ್ನಲ್ಲಿದ್ದು ಟಿವಿಯಲ್ಲಿ ಪಂದ್ಯ ನೋಡುತ್ತಿದ್ದೆವು. ಆದರೆ ಎರಡು ವಿಕೆಟ್ಗಳು ಪತನವಾದಾಗ, ಭಾರತದ ಅಭಿಮಾನಿಗಳ ಉತ್ಸಾಹ ಕಂಡು ಒತ್ತಡ ಹೆಚ್ಚಿತ್ತು‘ ಎಂದು ಗೋಲ್ಡ್ ಎಎಂ. ಕಾರ್ಯಕ್ರಮದಲ್ಲಿ ಜೆಮಿಸನ್ ಹೇಳಿದ್ದಾರೆ.
ಆ ಪಂದ್ಯದಲ್ಲಿ ಜಯಿಸಿದ್ದ ನ್ಯೂಜಿಲೆಂಡ್ ತಂಡವು ವಿಶ್ವ ಟೆಸ್ಟ್ ಚಾಂಪಿಯನ್ ಆಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.