ಎಂಪಿಸಿ ಅಧ್ಯಕ್ಷರಾಗಿ ಮಹಾನಆರ್ಯಮನ್ ಸಿಂಧಿಯಾ

ಇಂದೋರ್: ಕೇಂದ್ರ ಸಚಿವ ಜ್ಯೋತಿರಾದಿತ್ಯ ಸಿಂದಿಯಾ ಅವರ ಪುತ್ರ ಮತ್ತು ಗ್ವಾಲಿಯರ್ ಡಿವಿಷನ್ ಕ್ರಿಕೆಟ್‌ ಸಂಸ್ಥೆ ಉಪಾಧ್ಯಕ್ಷ ಮಹಾನಆರ್ಯಮನ್ ಸಿಂಧಿಯಾ ಅವರು ಮಧ್ಯಪ್ರದೇಶ ಕ್ರಿಕೆಟ್‌ ಸಂಸ್ಥೆಯ ಅಧ್ಯಕ್ಷರಾಗಿ ಸರ್ವಾನುಮತದಿಂದ ಆಯ್ಕೆಯಾಗಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಗ್ವಾಲಿಯರ್‌ನ ರಾಜವಂಶಸ್ಥರಾದ 29 ವರ್ಷ ವಯಸ್ಸಿನ ಮಹಾನಆರ್ಯಮನ್ ಸಿಂಧಿಯಾ ಈ ಸ್ಥಾನಕ್ಕೇರಿದ ಅತಿ ಕಿರಿಯವರು ಹಾಗೂ ರಾಜವಂಶದ ಮೂರನೇ ತಲೆಮಾರಿನವರು.

ಎಲ್ಲಾ ಸ್ಥಾನಗಳಿಗೆ ಅವಿರೋಧ ಆಯ್ಕೆ ನಡೆಯಿತು ಎಂದು ಎಂಪಿಸಿಎ ಮುಖ್ಯ ಆಡಳಿತಾಧಿಕಾರಿ ರೋಹಿತ್ ಪಂಡಿತ್ ತಿಳಿಸಿದ್ದಾರೆ.