ರೇಣುಕಾ ಸಿಂಗ್‌ಗೆ ಹಿಮಾಚಲ ಪ್ರದೇಶ ಸರ್ಕಾರದಿಂದ ₹1 ಕೋಟಿ ಬಹುಮಾನ

ಶಿಮ್ಲಾ: ಮಹಿಳಾ ವಿಶ್ವಕಪ್‌ ವಿಜೇತ ಭಾರತ ತಂಡದ ಅನುಭವಿ ಬೌಲರ್‌ ರೇಣುಕಾ ಸಿಂಗ್‌ ಠಾಕೂರ್‌ ಅವರಿಗೆ ಹಿಮಾಚಲ ಪ್ರದೇಶ ಸರ್ಕಾರ ₹1 ಕೋಟಿ ನಗದು ಬಹುಮಾನ ಘೋಷಿಸಿದೆ. 

‘ರೇಣುಕಾ ಅವರು ಬಿಗು ಬೌಲಿಂಗ್‌ ಮೂಲಕ ಎದುರಾಳಿ ತಂಡದ ಬ್ಯಾಟರ್‌ಗಳ ಮೇಲೆ ಒತ್ತಡ ಮೂಡಿಸಿದರು. ಅವರ ಆಟದ ಬಗ್ಗೆ ಇಡೀ ರಾಜ್ಯವೇ ಹೆಮ್ಮೆಪಡುತ್ತಿದೆ’ ಎಂದು ಹಿಮಾಚಲ ಪ್ರದೇಶ ಮುಖ್ಯಮಂತ್ರಿ ಸುಖವೀರ್‌ ಸಿಂಗ್‌ ಸುಖು ಸೋಮವಾರ ಹೇಳಿದ್ದಾರೆ. ರೇಣುಕಾ ಅವರಿಗೆ ಸರ್ಕಾರಿ ಕೆಲಸ ನೀಡುವುದಾಗಿಯೂ ಆಶ್ವಾಸನೆ ನೀಡಿದ್ದಾರೆ.

29 ವರ್ಷ ವಯಸ್ಸಿನ ರೇಣುಕಾ ಅವರು ಶಿಮ್ಲಾ ಜಿಲ್ಲೆಯ ರೊಹ್ರುದವರು.