ಕ್ರಿಕೆಟ್‌: ಬೌಲ್ಟ್‌, ಸೌಥಿ ಬೌಲಿಂಗ್‌ ದಾಳಿಗೆ ಕುಸಿದ ಶ್ರೀಲಂಕಾ

ಕೊಲಂಬೊ: ಟಿಮ್‌ ಸೌಥಿ ಹಾಗೂ ಟ್ರೆಂಟ್‌ ಬೌಲ್ಟ್‌ ಅವರ ಬೌಲಿಂಗ್‌ ದಾಳಿಗೆ ನಲುಗಿದ ಶ್ರೀಲಂಕಾ, ನ್ಯೂಜಿಲೆಂಡ್‌ ವಿರುದ್ಧದ ಎರಡನೇ ಟೆಸ್ಟ್‌ನ ಎರಡನೇ ದಿನಮೊದಲ ಇನಿಂಗ್ಸ್‌ನಲ್ಲಿ ಆರು ವಿಕೆಟ್‌ಗೆ 144 ರನ್‌ ಗಳಿಸಿದೆ. ಎರಡನೇ ದಿನವೂ ಪಂದ್ಯದಲ್ಲಿ ಮಳೆ ಹಸ್ತಕ್ಷೇಪ ಮಾಡಿತು.

ಪಿ.ಸಾರಾ ಓವಲ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಶುಕ್ರವಾರ ಕೇವಲ 29.3 ಓವರ್‌ಗಳ ಆಟ ಮಾತ್ರ ಸಾಧ್ಯವಾಯಿತು. ಗುರುವಾರ 85 ರನ್‌ಗೆಲಂಕಾ ಎರಡು ವಿಕೆಟ್ ಕಳೆದುಕೊಂಡಿತ್ತು.

ಸಂಕ್ಷಿಪ್ತ ಸ್ಕೋರು: ಶ್ರೀಲಂಕಾ ಮೊದಲ ಇನಿಂಗ್ಸ್: 66 ಓವರ್‌ಗಳಲ್ಲಿ 6 ವಿಕೆಟ್‌ಗೆ 144 (ದಿಮುತ್‌ ಕರುಣಾರತ್ನೆ 65, ಧನಂಜಯ ಡಿಸಿಲ್ವಾ ಔಟಾಗದೆ 32, ಆ್ಯಂಜೆಲೊ ಮ್ಯಾಥ್ಯೂಸ್‌ 32; ಟ್ರೆಂಟ್‌ ಬೌಲ್ಟ್ 33ಕ್ಕೆ 2, ಸೌಥಿ 40ಕ್ಕೆ 2)