ಚರ್ಚೆ | T20 ವಿಶ್ವಕಪ್‌: ಟೀಂ ಇಂಡಿಯಾಗೆ ಸವಾಲು ಒಡ್ಡುವುದೇ ನಮಿಬಿಯಾ ?

ಟಿ20 ಕ್ರಿಕೆಟ್ ಎಂದರೆ ‘ಚುಟುಕು ಮಾದರಿ’ ಎಂಬ ಹೆಸರಿದೆ. ಆದರೆ ಈ ಮಾದರಿಯಲ್ಲಿ ಯಾವುದೇ ತಂಡವೂ ಚಿಕ್ಕದಲ್ಲ. ಅನನುಭವಿ ಎಂದುಕೊಳ್ಳುವ ತಂಡವು ಅಚ್ಚರಿಯ ಗೆಲುವು ಸಾಧಿಸಿ ಘಟಾನುಘಟಿ ತಂಡಗಳಿಗೆ ಸೋಲುಣಿಸಿದ ಉದಾಹರಣೆಗಳಿವೆ. ಈ ಬಾರಿಯ ವಿಶ್ವಕಪ್ ಟೂರ್ನಿಯಲ್ಲಿಯೂ ಅಂತಹ ಫಲಿತಾಂಶಗಳು ಬಂದರೆ ಅಚ್ಚರಿಯಿಲ್ಲ. ಆದ್ದರಿಂದ ಭಾರತ ತಂಡವು ತನ್ನ ಎರಡನೇ ಪಂದ್ಯದಲ್ಲಿ ಎದುರಾಳಿ ನಮಿಬಿಯಾ ತಂಡವನ್ನು ಹಗುರವಾಗಿ ತೆಗೆದುಕೊಳ್ಳುವಂತಿಲ್ಲ. ಮೊದಲ ಪಂದ್ಯದಲ್ಲಿ ಅಮೆರಿಕ ನೀಡಿದ ಕಠಿಣ ಸವಾಲನ್ನೂ ಮರೆಯುವಂತಿಲ್ಲ. ಅಂಬೆಗಾಲಿಕ್ಕುವ ಮಗು ಎಂಬಂತೆ ಕಾಣುವ ತಂಡಗಳು ಇದುವರೆಗೆ ತೋರಿರುವ ಆಟವು ಅಸಾಧಾರಣ. ಇಂತಹ ಸಂಗತಿಗಳಿಂದಲೇ ಚುಟುಕು ಕ್ರಿಕೆಟ್ ರೋಚಕವಾಗುತ್ತದೆ. ಈ ಕುರಿತ ವಿಶ್ಲೇಷಣೆ ಈ ವಿಡಿಯೊದಲ್ಲಿ.