T20 World Cup: ದಕ್ಷಿಣ ಆಫ್ರಿಕಾಕ್ಕೆ ಜಿಂಬಾಬ್ವೆ ಸವಾಲು
ಹೋಬರ್ಟ್‌ : ದಕ್ಷಿಣ ಆಫ್ರಿಕಾ ತಂಡ ಏಕದಿನ ಅಥವಾ ಟಿ20 ವಿಶ್ವಕಪ್‌ ಟೂರ್ನಿಯನ್ನು ಒಮ್ಮೆಯೂ ಗೆದ್ದುಕೊಂಡಿಲ್ಲ. ಮಾತ್ರವಲ್ಲ, ಫೈನಲ್‌ಗೂ ಪ್ರವೇಶಿಸಿಲ್ಲ.
ವಿಶ್ವಕಪ್‌ ಟೂರ್ನಿಯಲ್ಲಿ ತನ್ನ ದಾಖಲೆಯನ್ನು ಉತ್ತಪಡಿಸಿಕೊಳ್ಳುವ ಕನಸಿನೊಂದಿಗೆ, ತೆಂಬಾ ಬವುಮಾ ನೇತೃತ್ವದ ತಂಡ ‘ಚುಟುಕು ಕ್ರಿಕೆಟ್‌ ಹಬ್ಬ’ದಲ್ಲಿ ಸೋಮವಾರ ಕಣಕ್ಕಿಳಿಯಲಿದೆ. ಹೋಬರ್ಟ್‌ನಲ್ಲಿ ನಡೆಯಲಿರುವ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ, ಜಿಂಬಾಬ್ವೆ ಜತೆ ಪೈಪೋಟಿ ನಡೆಸಲಿದೆ.
‘ಸಾಕಷ್ಟು ಸಿದ್ಧತೆಯೊಂದಿಗೆ ಈ ಟೂರ್ನಿಯಲ್ಲಿ ಆಡುತ್ತಿದ್ದೇವೆ. ನಮ್ಮ ಯೋಜನೆಗಳನ್ನು ಯಶಸ್ವಿಯಾಗಿ ಕಾರ್ಯರೂಪಕ್ಕಿಳಿಸಬೇಕಿದೆ. ಜಿಂಬಾಬ್ವೆ ವಿರುದ್ದ ಗೆದ್ದು ಸಕಾರಾತ್ಮಕ ಆರಂಭ ಪಡೆಯುವುದು ನಮ್ಮ ಗುರಿ’ ಎಂದು ಬವುಮಾ ಹೇಳಿದ್ದಾರೆ.
ತಂಡವನ್ನು ಯಶಸ್ಸಿನತ್ತ ಕೊಂಡೊಯ್ಯುವ ಜತೆಯಲ್ಲೇ, ಬ್ಯಾಟಿಂಗ್‌ನಲ್ಲಿ ಲಯ ಕಂಡುಕೊಳ್ಳುವ ಸವಾಲು ಬವುಮಾ ಮುಂದಿದೆ. ಭಾರತ ಪ್ರವಾಸದ ವೇಳೆ ಮೂರು ಟಿ20 ಪಂದ್ಯಗಳಲ್ಲಿ ಅವರು ಮೂರು ರನ್‌ ಮಾತ್ರ ಗಳಿಸಿದ್ದರು.
ಜಿಂಬಾಬ್ವೆ ತಂಡ ಶುಕ್ರವಾರ ನಡೆದ ಅರ್ಹತಾ ಪಂದ್ಯದಲ್ಲಿ ಸ್ಕಾಟ್ಲೆಂಡ್ ತಂಡವನ್ನು ಮಣಿಸಿ ‘ಸೂಪರ್‌ 12’ ಹಂತ ಪ್ರವೇಶಿಸಿತ್ತು.
ಬಾಂಗ್ಲಾ–ನೆದರ್ಲೆಂಡ್ಸ್‌ ಮುಖಾಮುಖಿ: ದಿನದ ಮೊದಲ ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡ ನೆದರ್ಲೆಂಡ್ಸ್‌ ಜತೆ ಪೈಪೋಟಿ ನಡೆಸಲಿದೆ. ಅರ್ಹತಾ ಹಂತದಲ್ಲಿ ಗೆದ್ದು ಬಂದಿರುವ ನೆದರ್ಲೆಂಡ್ಸ್‌, ಬಾಂಗ್ಲಾಕ್ಕೆ ತಕ್ಕ ಪೈಪೋಟಿ ನೀಡುವ ನಿರೀಕ್ಷೆಯಿದೆ.
ಇಂದಿನ ಪಂದ್ಯಗಳು
ಬಾಂಗ್ಲಾದೇಶ– ನೆದರ್ಲೆಂಡ್ಸ್‌
ಆರಂಭ: ಬೆಳಿಗ್ಗೆ 9.30
ದಕ್ಷಿಣ ಆಫ್ರಿಕಾ– ಜಿಂಬಾಬ್ವೆ
ಆರಂಭ: ಮಧ್ಯಾಹ್ನ 1.30
ನೇರಪ್ರಸಾರ: ಸ್ಟಾರ್‌ಸ್ಪೋರ್ಟ್ಸ್‌ ನೆಟ್‌ವರ್ಕ್‌, ಡಿಸ್ನಿ ಪ್ಲಸ್‌ ಹಾಟ್‌ ಸ್ಟಾರ್‌
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.