ಟೆಸ್ಟ್‌ ಕ್ರಿಕೆಟ್‌ನಲ್ಲಿ ವೇಗದ 6 ಸಾವಿರ ರನ್‌: ಸಚಿನ್ ದಾಖಲೆ ಮುರಿದ ವಿರಾಟ್
ಸೌಥಾಂಪ್ಟನ್‌:ಇಂಗ್ಲೆಂಡ್‌ ವಿರುದ್ಧದ ನಾಲ್ಕನೇ ಟೆಸ್ಟ್‌ ಪಂದ್ಯದ ಎರಡನೇ ದಿನದಾಟದ ವೇಳೆ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರು ಟೆಸ್ಟ್‌ ಕ್ರಿಕೆಟ್‌ನಲ್ಲಿ ವೇಗವಾಗಿ 6 ಸಾವಿರ ರನ್‌ ಕಲೆಹಾಕಿದ ಸಾಧನೆ ಮಾಡಿದರು.
ಪಂದ್ಯಕ್ಕೂ ಮುನ್ನ 69 ಟೆಸ್ಟ್‌ ಪಂದ್ಯಗಳ 118 ಇನಿಂಗ್ಸ್‌ಗಳಿಂದ 5994 ರನ್‌ ಕಲೆ ಹಾಕಿದ್ದ ಅವರು 6ರನ್‌ ಗಳಿಸಿದ್ದ ವೇಳೆ 6 ಸಾವಿರದ ಗಡಿ ದಾಟಿದರು. ಇದರೊಂದಿಗೆ 76 ಪಂದ್ಯಗಳ 120 ಇನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದ್ದ ಬ್ಯಾಟಿಂಗ್‌ ಮಾಂತ್ರಿಕ ಸಚಿನ್ ತೆಂಡೂಲ್ಕರ್‌ ಅವರನ್ನು ಹಿಂದಿಕ್ಕಿ, ಭಾರತ ಪರ ವೇಗವಾಗಿ ಈ ಸಾಧನೆ ಮಾಡಿದ ಎರಡನೇ ಬ್ಯಾಟ್ಸ್‌ಮನ್‌ ಎನಿಸಿಕೊಂಡರು.
Congratulations @imVkohli on reaching 6,000 Test runs! #ENGvIND pic.twitter.com/7cO3rYMfR5
117 ಇನಿಂಗ್ಸ್‌ಗಳಲ್ಲಿ ಇಷ್ಟು ರನ್‌ ಕಲೆಹಾಕಿರುವ ಸುನಿಲ್‌ ಗಾವಾಸ್ಕರ್‌ ಭಾರತ ಪರಮೊದಲ ಸ್ಥಾನದಲ್ಲಿದ್ದಾರೆ.
ಒಟ್ಟಾರೆ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ವೇಗವಾಗಿ 6 ಸಾವಿರ ರನ್‌ ಕಲೆ ಹಾಕಿದ ವಿಶ್ವ ದಾಖಲೆ ಇರುವುದು ಬ್ಯಾಟಿಂಗ್‌ ದಂತಕತೆಡಾನ್‌ ಬ್ರಾಡ್ಮನ್‌ಹೆಸರಿನಲ್ಲಿ. ಅವರು ಕೇವಲ68 ಇನಿಂಗ್ಸ್‌ಗಳಲ್ಲಿ ಈ ಮೈಲುಗಲ್ಲು ಸ್ಥಾಪಿಸಿದ್ದಾರೆ. ನಂತರದ ಸ್ಥಾನದಲ್ಲಿ ವೆಸ್ಟ್‌ಇಂಡೀಸ್‌ ಬ್ಯಾಟ್ಸ್‌ಮನ್‌ ಗ್ಯಾರಿ ಸೋಬರ್ಸ್‌ ಇದ್ದಾರೆ.
ವೇಗವಾಗಿ 6 ಸಾವಿರ ರನ್‌ ಕಲೆಹಾಕಿದ ಹತ್ತು ಬ್ಯಾಟ್ಸ್‌ಮನ್‌ಗಳು
| ಆಟಗಾರ | ದೇಶ | ಪಂದ್ಯ | ಇನಿಂಗ್ಸ್‌ |
| ಡಾನ್‌ ಬ್ರಾಡ್ಮನ್‌ | ಆಸ್ಟ್ರೇಲಿಯಾ | 45 | 68 |
| ಗ್ಯಾರಿ ಸೋಬರ್ಸ್‌ | ವೆಸ್ಟ್‌ಇಂಡೀಸ್‌ | 65 | 111 |
| ಸ್ಟೀವ್‌ ಸ್ಮಿತ್‌ | ಆಸ್ಟ್ರೇಲಿಯಾ | 61 | 111 |
| ವಾಲಿ ಹ್ಯಾಮ್ಮಂಡ್‌ | ಇಂಗ್ಲೆಂಡ್‌ | 70 | 114 |
| ಲೇನ್‌ ಹಟ್ಟನ್‌ | ಇಂಗ್ಲೆಂಡ್‌ | 66 | 116 |
| ಕೇನ್‌ ಬ್ಯಾರಿಂಗ್ಟನ್‌ | ಇಂಗ್ಲೆಂಡ್‌ | 72 | 116 |
| ಕುಮಾರ ಸಂಗಾಕ್ಕರ | ಶ್ರೀಲಂಕಾ | 71 | 116 |
| ಸುನೀಲ್‌ ಗವಾಸ್ಕರ್‌ | ಭಾರತ | 65 | 117 |
| ವಿರಾಟ್ ಕೊಹ್ಲಿ | ಭಾರತ | 70 | 119 |
| ವಿವಿಯನ್‌ ರಿಚರ್ಡ್ಸ್‌ | ವೆಸ್ಟ್‌ಇಂಡೀಸ್‌ | 81 | 120 |
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.