ಮಹಿಳಾ ಕ್ರಿಕೆಟ್‌: ಕರ್ನಾಟಕ ಜಯಭೇರಿ

ಬೆಂಗಳೂರು: ಕರ್ನಾಟಕ ಮಹಿಳೆಯರು ಬಿಸಿಸಿಐ 19 ವರ್ಷದೊಳಗಿನವರ ಏಕದಿನ ಟ್ರೋಫಿ ಕ್ರಿಕೆಟ್‌ ಟೂರ್ನಿಯ ಪಂದ್ಯದಲ್ಲಿ ವಿದರ್ಭ ತಂಡವನ್ನು ಆರು ವಿಕೆಟ್‌ಗಳಿಂದ ಮಣಿಸಿದರು.

ರಾಜಕೋಟ್‌ನ ಸೌರಾಷ್ಟ್ರ ಕ್ರಿಕೆಟ್‌ ಸಂಸ್ಥೆ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ವಿದರ್ಭ, 37.4 ಓವರ್‌ಗಳಲ್ಲಿ ಎಲ್ಲ ವಿಕೆಟ್‌ ಕಳೆದುಕೊಂಡು ಕೇವಲ 72 ರನ್‌ ಗಳಿಸಿತು. ಕರ್ನಾಟಕ ತಂಡ, ಕೃಷಿಕಾ ರೆಡ್ಡಿ (24) ಬ್ಯಾಟಿಂಗ್‌ ಬಲದಿಂದ 21.1 ಓವರ್‌ಗಳಲ್ಲಿ ಜಯದಗೆರೆ ಮುಟ್ಟಿತು.

ಸಂಕ್ಷಿಪ್ತ ಸ್ಕೋರ್‌: ವಿದರ್ಭ: 37.4 ಓವರ್‌ಗಳಲ್ಲಿ 72 ಆಲೌಟ್ (ಆಯುಷಿ ಠಾಕ್ರೆ 25; ಅನಘಾ ಎಂ. 15ಕ್ಕೆ 2, ಅದಿತಿ ರಾಜೇಶ್‌ 6ಕ್ಕೆ 2, ಪೂಜಾ ಕುಮಾರಿ 9ಕ್ಕೆ 2) ಕರ್ನಾಟಕ: 21.1 ಓವರ್‌ಗಳಲ್ಲಿ 4 ವಿಕೆಟ್‌ಗೆ 77 (ಕೃಷಿಕಾ ರೆಡ್ಡಿ 24; ರಶ್ಮಿ ಸಿಂಗ್‌ 17ಕ್ಕೆ 2).