ಸ್ಟೀವ್‌ ಸ್ಮಿತ್, ವಾರ್ನರ್ ವಿಶ್ವಕಪ್ ತಂಡಕ್ಕೆ ಖಚಿತ: ಮ್ಯಾಥ್ಯೂ ಹೇಡನ್

ನವದೆಹಲಿ: ಆಸ್ಟ್ರೇಲಿಯಾದ ಆಟಗಾರರಾದ ಸ್ಟೀವನ್ ಸ್ಮಿತ್ ಮತ್ತು ಡೇವಿಡ್ ವಾರ್ನರ್ ಅವರು ಐಪಿಎಲ್ ಟೂರ್ನಿಯ ಸಾಧನೆಗೂ ವಿಶ್ವಕಪ್ ಟೂರ್ನಿಯಲ್ಲಿ ಆಡುವುದಕ್ಕೂ ಸಂಬಂಧವಿಲ್ಲ. ಅವರು ಆಸ್ಟ್ರೇಲಿಯಾ ತಂಡದಲ್ಲಿ ಸ್ಥಾನಪಡೆಯುವುದು ಖಚಿತ ಎಂದು ಹಿರಿಯ ಆಟಗಾರ ಮ್ಯಾಥ್ಯೂ ಹೇಡನ್ ಹೇಳಿದ್ದಾರೆ.

‘ಐ‍‍‍ಪಿಎಲ್ ಟೂರ್ನಿಯು ಇಬ್ಬರೂ ಆಟಗಾರರಿಗೆ ಒಂದು ಉತ್ತಮ ಅವಕಾಶ. ಅವರು ತಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಳ್ಳಲು ಈ ಟೂರ್ನಿಯಲ್ಲಿ ಸಾಧ್ಯವಾಗಲಿದೆ. ಒಂದೊಮ್ಮೆ ಅವರು ಈ ಐಪಿಎಲ್‌ನಲ್ಲಿ ಚೆನ್ನಾಗಿ ಆಡದಿದ್ದರೂ ಅವರು ವಿಶ್ವಕಪ್ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳುವುದಿಲ್ಲ’ ಎಂದಿದ್ದಾರೆ.