ನಾಳೆಯಿಂದ ಮಹಿಳಾ ಫುಟ್ಬಾಲ್ ಲೀಗ್‌
ಲುಧಿಯಾನ: ಮಹಿಳಾ ಫುಟ್ಬಾಲ್ ಲೀಗ್‌ನ ಮೂರನೇ ಆವೃತ್ತಿಗೆ ಭಾನುವಾರ ಇಲ್ಲಿ ಚಾಲನೆ ಸಿಗಲಿದೆ.
ಹಾಲಿ ಚಾಂಪಿಯನ್‌ ರೈಸಿಂಗ್‌ ಸ್ಟೂಡೆಂಟ್ಸ್‌ ಕ್ಲಬ್‌ ಮತ್ತು ಗೋಕುಲಮ್‌ ಕೇರಳ ಎಫ್‌ಸಿ ತಂಡಗಳು ಉದ್ಘಾಟನಾ ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ.
ಲೀಗ್‌ನಲ್ಲಿ ಒಟ್ಟು 12 ತಂಡಗಳು ಭಾಗವಹಿಸುತ್ತಿವೆ. ಇವುಗಳನ್ನು ಎರಡು ಗುಂಪುಗಳನ್ನಾಗಿ ವಿಭಾಗಿಸಲಾಗಿದೆ.
ಮೊದಲನೇ ಗುಂಪಿನಲ್ಲಿ ರೈಸಿಂಗ್‌ ಸ್ಟೂಡೆಂಟ್ಸ್‌, ಗೋಕುಲಮ್‌, ಎಫ್‌ಸಿ ಅಲಕಪುರ, ಹಾನ್ಸ್‌ ಫುಟ್ಬಾಲ್ ಕ್ಲಬ್‌, ಸೆಂಟ್ರಲ್‌ ಎಸ್‌ಎಸ್‌ಬಿ ಫುಟ್ಬಾಲ್ ಕ್ಲಬ್‌ ಮತ್ತು ಪಂಜಿಮ್‌ ಫುಟ್‌ಬಾಲರ್ಸ್‌ ತಂಡಗಳು ಸ್ಥಾನ ಹೊಂದಿವೆ.
ಮಣಿಪುರ ಪೊಲೀಸ್‌, ಸೇತು ಎಫ್‌ಸಿ, ಬೆಂಗಳೂರು ಯುನೈಟೆಡ್‌ ಎಫ್‌ಸಿ, ಸಾಯ್‌–ಎಸ್‌ಟಿಸಿ ಕಟಕ್‌, ಎಫ್‌ಸಿ ಕೊಲ್ಹಾಪುರ ಸಿಟಿ ಮತ್ತು ಬರೋಡಾ ಫುಟ್ಬಾಲ್ ಅಕಾಡೆಮಿ ತಂಡಗಳು ಎರಡನೇ ಗುಂ‍ಪಿನಲ್ಲಿವೆ.
‘ಭಾರತ ಮಹಿಳಾ ತಂಡವು ಅಂತರರಾಷ್ಟ್ರೀಯ ಟೂರ್ನಿಗಳಲ್ಲಿ ಶ್ರೇಷ್ಠ ಸಾಮರ್ಥ್ಯ ತೋರಲು ಮಹಿಳಾ ಲೀಗ್‌ ನೆರವಾಗಿದೆ. ಈ ಲೀಗ್‌ನಿಂದ ಹೊಸ ಪ್ರತಿಭೆಗಳು ಪ್ರವರ್ಧಮಾನಕ್ಕೆ ಬರುತ್ತಿರುವುದು ಖುಷಿಯ ವಿಷಯ. ಲೀಗ್‌ನಲ್ಲಿ ಆಡುತ್ತಿರುವ ಎಲ್ಲಾ ತಂಡಗಳಿಗೂ ಶುಭವಾಗಲಿ’ ಎಂದು ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್‌ನ (ಎಐಎಫ್ಎಫ್‌) ಮಹಾಕಾರ್ಯದರ್ಶಿ ಕುಶಾಲ್‌ ದಾಸ್‌ ತಿಳಿಸಿದ್ದಾರೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.