ಬಂಡೆಸ್‌ಲಿಗಾ: ದಾಖಲೆ ವೀಕ್ಷಕರು

ಬರ್ಲಿನ್‌ : ಇಲ್ಲಿನ ಖಾಲಿ ಕ್ರೀಡಾಂಗಣದಲ್ಲಿ ಶನಿವಾರ ಪುನರಾರಂಭವಾದ ಬಂಡೆಸ್‌ಲಿಗಾ ಫುಟ್‌ಬಾಲ್‌ ಟೂರ್ನಿಯ ಪಂದ್ಯಗಳನ್ನು ದಾಖಲೆಯ 60 ಲಕ್ಷಕ್ಕಿಂತ ಜನ ವೀಕ್ಷಿಸಿದ್ದಾರೆ. ಜರ್ಮನಿಯ ಸ್ಕೈ ಟಿವಿ ವಾಹಿನಿಯಲ್ಲಿ ಪ್ರಸಾರವಾದ ಪಂದ್ಯಗಳ ವೀಕ್ಷಕರ ಸಂಖ್ಯೆ ಹೊಸ ದಾಖಲೆ ಸೃಷ್ಟಿಸಿದೆ’ ಎಂದು ಡಿಡಬ್ಲ್ಯುಡಿಎಲ್.ಡಿಇ ವೆಬ್‌ಸೈಟ್‌ ವರದಿ ಮಾಡಿದೆ.

ಕೋವಿಡ್‌–19 ಹಿನ್ನೆಲೆಯಲ್ಲಿ ವಿಧಿಸಲಾಗಿದ್ದ ನಿರ್ಬಂಧಗಳ ಕಾರಣ ಎರಡು ತಿಂಗಳ ವಿರಾಮದ ಬಳಿಕ ಪಂದ್ಯಗಳು ಆರಂಭವಾಗಿವೆ.

ಸ್ಕೈ ವಾಹಿನಿ ಈ ಮೊದಲು 36 ಲಕ್ಷ ಚಂದಾದಾರರನ್ನು ಹೊಂದಿತ್ತು. ಹೀಗಾಗಿ ಈಗ ಪಂದ್ಯಗಳನ್ನು ವೀಕ್ಷಿಸಿದವರ ಸಂಖ್ಯೆ ದ್ವಿಗುಣವಾದಂತಾಗಿದೆ.