ಕೊಡಗು ಎಫ್‌ಸಿ ತಂಡಕ್ಕೆ ಗೆಲುವು
Published 10 ಸೆಪ್ಟೆಂಬರ್ 2023, 16:27 IST
ಎಫ್‌ಸಿ ಗೋವಾ ತಂಡಕ್ಕೆ ಗೋಲ್‌ ಕೀಪರ್ ಧೀರಜ್ ಸಿಂಗ್ ಭರವಸೆ ಮೂಡಿಸಿದ್ದಾರೆ –ಟ್ವಿಟರ್ ಚಿತ್ರ
ಬೆಂಗಳೂರು: ಅಲೆಕ್ಸ್ ಕೊಂತೌಜಮ್ ಅವರ ಆಟದ ನೆರವಿನಿಂದ ಕೊಡಗು ಎಫ್‌ಸಿ ತಂಡವು ಬಿಡಿಎಫ್‌ಎ ಸೂಪರ್‌ ಡಿವಿಷನ್‌ ಲೀಗ್‌ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ 2–0ಯಿಂದ ಬೆಂಗಳೂರು ಇಂಡಿಪೆಂಡೆಂಟ್ಸ್‌ ಎಫ್‌ಸಿ ತಂಡವನ್ನು ಮಣಿಸಿತು.
ಭಾನುವಾರ ನಡೆದ ಪಂದ್ಯದಲ್ಲಿ ಕೊಡಗು ತಂಡದ ಅಲೆಕ್ಸ್ (46, 55ನೇ) ಎರಡು ಗೋಲು ಗಳಿಸಿ ಮಿಂಚಿದರು.
ಮತ್ತೊಂದು ಪಂದ್ಯದಲ್ಲಿ ಬಿಎಫ್‌ಸಿ ತಂಡವು 6–0ಯಿಂದ ಎಫ್‌ಸಿ ಡೆಕ್ಕನ್‌ ತಂಡವನ್ನು ಸುಲಭವಾಗಿ ಸೋಲಿಸಿತು. ಸಿ.ಕೆ. ರಶೀದ್‌ (24, 29, 62ನೇ) ಹ್ಯಾಟ್ರಿಕ್‌ ಗೋಲು ಗಳಿಸಿ ಗಮನ ಸೆಳೆದರು. ಲಾಲ್ಪೆಖ್ಲುವಾ (65ನೇ), ಮೊನಿರುಲ್ ಮೊಲ್ಲಾ (74ನೇ), ಅಮಯ್ ಮೊರಾಜ್ಕರ್ (80ನೇ) ತಲಾ ಒಂದು ಬಾರಿ ಚೆಂಡನ್ನು ಗುರಿ ಸೇರಿಸಿದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.