ಏಷ್ಯನ್ ಯೂತ್ ನೆಟ್‌ಬಾಲ್: ಭಾರತ ಶುಭಾರಂಭ

ಜಿಯಾಂಜು, ಕೊರಿಯಾ:  ಭಾರತ ಮಹಿಳಾ ತಂಡದವರು ಶನಿವಾರ ಇಲ್ಲಿ ಆರಂಭವಾದ ಏಷ್ಯನ್ ಯೂತ್ ನೆಟ್‌ಬಾಲ್ ಚಾಂಪಿಯನ್‌ಷಿಪ್‌ನಲ್ಲಿ ಶುಭಾರಂಭ ಮಾಡಿದರು.

ಮೊದಲ ಪಂದ್ಯದಲ್ಲಿ ಭಾರತ ಬಳಗವು 44–40ರಿಂದ ಥಾಯ್ಲೆಂಡ್ ವಿರುದ್ಧ ಜಯಿಸಿತು.

ಭಾರತ ಬಳಗವು ಮೊದಲ ಕ್ವಾರ್ಟರ್‌ನಲ್ಲಿ 11–9 ಮುನ್ನಡೆ ಸಾಧಿಸಿತು. ಎರಡನೇ ಕ್ವಾರ್ಟರ್‌ನಲ್ಲಿ 13–13ರ ಸಮಬಲ, ಮೂರನೇ ಕ್ವಾರ್ಟರ್‌ನಲ್ಲಿ 12–10ರ ಮುನ್ನಡೆ ಗಳಿಸಿತು.

ತುರುಸಿನ ಹೋರಾಟ ಕಂಡುಬಂದ ಕೊನೆಯ ಕ್ವಾರ್ಟರ್‌ನಲ್ಲಿ 8–8ರ ಸಮಬಲ ಸಾಧಿಸುವಲ್ಲಿ ಉಭಯ ತಂಡಗಳು ಯಶಸ್ವಿಯಾದವು.