ಚೆಸ್‌: ಗುಕೇಶ್‌ಗೆ ಸೋಲು

ನವದೆಹಲಿ: ಭಾರತದ ಅತಿ ಕಿರಿಯ ಗ್ರ್ಯಾಂಡ್‌ ಮಾಸ್ಟರ್‌ ಡಿ.ಗುಕೇಶ್ ಅವರು ದೆಹಲಿ ಅಂತರರಾಷ್ಟ್ರೀಯ ಮುಕ್ತ ಚೆಸ್ ಟೂರ್ನಿಯಲ್ಲಿ ಆಘಾತ ಅನುಭವಿಸಿದರು. ಬುಧವಾರ ಅವರು ಶ್ರೀಲಂಕಾದ ರಾಣಿಂದು ಲಿಯಾನಗೆ ಎದುರು ಸೋತರು.

ಎರಡನೇ ಶ್ರೇಯಾಂಕದ ರಷ್ಯಾ ಆಟಗಾರ ಪವೆಲ್ ಪೊಂಕ್ರಟೊವ್, ಮೂರನೇ ಶ್ರೇಯಾಂಕಿತ ಹಾಲಿ ಚಾಂಪಿಯನ್ ಅಭಿಜೀತ್ ಗುಪ್ತಾ ಮತ್ತು ನಾಲ್ಕನೇ ಶ್ರೇಯಾಂಕದ ಪರಾಗ್ವೆ ಆಟಗಾರ ನ್ಯೂರಿಸ್ ಡೆಲ್ಗಾಡೊ ಅವರು ತಮಗಿಂತ ಕಡಿಮೆ ಶ್ರೇಯಾಂಕದ ಆಟಗಾರರ ಎದುರು ಡ್ರಾಗೆ ಮಣಿದರು.

ಅಗ್ರ ಶ್ರೇಯಾಂಕದ ಅರ್ಜುನ್ ಎರಿಗೈಸಿ ಗ್ರ್ಯಾಂಡ್‌ಮಾಸ್ಟರ್ ಪಿ. ಕಾರ್ತಿಕೇಯನ್‌ಗೆ ಸೋಲುಣಿಸಿದರು. ಇದು ಅವರ ಸತತ ಎರಡನೇ ಜಯವಾಗಿದೆ.