ಹಾಕಿ ಇಂಡಿಯಾ ಜೂನಿಯರ್‌ ಪುರುಷರ ಚಾಂಪಿಯನ್‌ಷಿಪ್‌: ಕರ್ನಾಟಕ ತಂಡಕ್ಕೆ ಸುಲಭ ಜಯ

ಜಲಂಧರ್‌: ಕರ್ನಾಟಕ ತಂಡವು ಇಲ್ಲಿ ನಡೆಯುತ್ತಿರುವ ಹಾಕಿ ಇಂಡಿಯಾ ಜೂನಿಯರ್‌ ಪುರುಷರ ಚಾಂಪಿಯನ್‌ಷಿಪ್‌ ಟೂರ್ನಿಯ ‘ಎ’ ಡಿವಿಷನ್‌ ಪಂದ್ಯದಲ್ಲಿ ಶನಿವಾರ 10–1ರಿಂದ ಆಂಧ್ರಪ್ರದೇಶ ತಂಡವನ್ನು ಸುಲಭವಾಗಿ ಮಣಿಸಿತು.

ಕರ್ನಾಟಕ ತಂಡದ ಪರ ಹರಪಾಲ್‌ (12 ಮತ್ತು 35ನೇ ನಿ.) ಹಾಗೂ ತನೀಷ್‌ ಆರ್‌. ಎಚ್‌.(17 ಮತ್ತು 35ನೇ ನಿ.) ತಲಾ ಎರಡು ಗೋಲು ಗಳಿಸಿದರೆ, ನಾಯಕ ಧ್ರುವ ಬಿ.ಎಸ್‌. (25ನೇ ನಿ.), ಅಚ್ಚಯ್ಯ ಎಂ.ಎಂ. (24ನೇ ನಿ.), ಕುಶಲ್‌ ಸಿ.ಬಿ.(51ನೇ ನಿ.), ರಾಜು ಎಂ. (5ನೇ ನಿ.), ನಿತೇಶ್‌ ಶರ್ಮಾ (10ನೇ ನಿ.) ಹಾಗೂ ಪೂಜಿತ್‌ ಕೆ.ಆರ್‌. (58ನೇ ನಿ.) ತಲಾ ಒಂದು ಗೋಲು ಹೊಡೆದರು.