ಕೇರಳದ ಪ್ರತಿಭೆಗಳಿಗೆ ಉಚಿತ ಬಾಕ್ಸಿಂಗ್ ತರಬೇತಿ: ಮೇರಿ ಕೋಮ್

ತಿರುವನಂತಪುರಂ: ಕೇರಳದ ಪ್ರತಿಭಾವಂತ ಯುವ ಬಾಕ್ಸಿಂಗ್‌ ಪಟುಗಳಿಗೆ ತಮ್ಮ ಅಕಾಡೆಮಿಯಲ್ಲಿ ಉಚಿತ ತರಬೇತಿ ನೀಡುವುದಾಗಿ ಒಲಿಂಪಿಕ್ಸ್ ಪದಕ ವಿಜೇತೆ ಬಾಕ್ಸರ್‌ ಮೇರಿ ಕೋಮ್ ಹೇಳಿದ್ದಾರೆ.

ಮೊದಲ ಬಾರಿಗೆ ನಡೆಯುತ್ತಿರುವ ಕೇರಳ ಒಲಿಂಪಿಕ್ಸ್ ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭಕ್ಕಾಗಿ ಇಲ್ಲಿಗೆ ಆಗಮಿಸಿರುವ ಅವರು ಪತ್ರಿಕಾಗೋಷ್ಠಿಯಲ್ಲಿ ಶನಿವಾರ ಮಾತನಾಡಿದರು.

ಬೇಟನ್ ರೇಜ್ ಕ್ರೀಡಾಕೂಟ: 200 ಮೀಟರ್ಸ್ ಓಟದಲ್ಲಿ ನೈಟನ್‌ ಮಿಂಚು

‘ದೇಶಕ್ಕೆ ಕೇರಳ ಹಲವು ಬಾಕ್ಸರ್‌ಗಳನ್ನು ನೀಡಿದೆ. ಸದ್ಯ ಇಲ್ಲಿ ಉದಯೋನ್ಮುಖ ಬಾಕ್ಸರ್‌ಗಳ ಕೊರತೆ ಇದೆ. ರಾಜ್ಯದ ಯುವ ಬಾಕ್ಸರ್‌ಗಳು ಮುಂದೆ ಬಂದರೆ ಅವರಿಗೆ ತರಬೇತಿ ನೀಡಲಾಗುವುದು‘ ಎಂದು ಮೇರಿ ನುಡಿದರು.

ಒಲಿಂಪಿಯನ್ ಹಾಕಿ ಆಟಗಾರ ಪಿ.ಆರ್‌. ಶ್ರೀಜೇಶ್‌, ಕುಸ್ತಿಪಟುಗಳಾದ ಬಜರಂಗ್ ಪೂನಿಯಾ ಮತ್ತು ರವಿ ದಹಿಯಾ ಪತ್ರಿಕಾಗೋಷ್ಠಿಯಲ್ಲಿ ಇದ್ದರು.