ಒಲಿಂಪಿಯನ್‌ ಈಜುಪಟು ಶ್ರೀಹರಿ ರಾಷ್ಟ್ರೀಯ ದಾಖಲೆ

ಬೆಂಗಳೂರು: ಒಲಿಂಪಿಯನ್‌ ಈಜುಪಟು ಶ್ರೀಹರಿ ನಟರಾಜ್‌ ಅವರು  ರಾಷ್ಟ್ರೀಯ ಚಾಂಪಿಯನ್‌ಷಿಪ್‌ನ 200 ಮೀಟರ್ಸ್‌ ಫ್ರೀಸ್ಟೈಲ್‌ನಲ್ಲಿ ರಾಷ್ಟ್ರೀಯ ದಾಖಲೆಯೊಂದಿಗೆ ಸಾಧನೆ ಮಾಡಿದ್ದಾರೆ.

ಕರ್ನಾಟಕದ 24 ವರ್ಷ ವಯಸ್ಸಿನ ಶ್ರೀಹರಿ ಅವರು 1 ನಿಮಿಷ 48.66 ಸೆಕೆಂಡ್‌ಗಳಲ್ಲಿ ಗುರಿ ತಲುಪಿದರು. ಈ ಮೂಲಕ 2021ರಲ್ಲಿ ಸಾಜನ್ ಪ್ರಕಾಶ್ (1ನಿ.49.73ಸೆ) ನಿರ್ಮಿಸಿದ್ದ ದಾಖಲೆಯನ್ನು ಮುರಿದರು. 

ಸಿಂಗಪುರದ ಝೆಂಗ್ ವೆನ್ ವುಹ್ (1ನಿ.48.94ಸೆ) ಬೆಳ್ಳಿ ಪದಕ ಗೆದ್ದರೆ, ಅದೇ ದೇಶದ ಆರ್ಡಿ ಅಜ್ಮಾನ್ (1ನಿ.49.91ಸೆ) ಕಂಚಿನ ಪದಕ ಗೆದ್ದರು.