ಬಾಕ್ಸಿಂಗ್‌: ಸೋನಿಯಾಗೆ ಕಂಚು

ನವದೆಹಲಿ: ಭಾರತದ ಸೋನಿಯಾ ಲಾಥರ್‌ ಬಲ್ಗೇರಿಯಾದಲ್ಲಿ ನಡೆಯುತ್ತಿರುವ ಸ್ಟ್ರ್ಯಾಂಡ್‌ಜಾ ಸ್ಮಾರಕ ಬಾಕ್ಸಿಂಗ್‌ ಟೂರ್ನಿಯಲ್ಲಿ ಕಂಚು ಗೆದ್ದುಕೊಂಡಿದ್ದಾರೆ. ಶುಕ್ರವಾರ ನಡೆದ 57 ಕೆಜಿ ವಿಭಾಗದ ಸೆಮಿಫೈನಲ್‌ ಬೌಟ್‌ನಲ್ಲಿ ಅವರು ಉಕ್ರೇನ್‌ನ ಲೂಲಿಯಾ ಸೈಪ್ಲಕೊವಾ ಎದುರು ಸೋತರು.

ಏಷ್ಯನ್‌ ಗೇಮ್ಸ್‌ನಲ್ಲಿ ಎರಡು ಬಾರಿ ಬೆಳ್ಳಿ ಪದಕ ವಿಜೇತೆ ಸೋನಿಯಾ 2–3 ಪಾಯಿಂಟ್ಸ್‌ನಿಂದ ಪರಾಭವ ಕಂಡರು.

30 ದೇಶಗಳ 200 ಬಾಕ್ಸರ್‌ಗಳು ಪಾಲ್ಗೊಂಡಿರುವ ಟೂರ್ನಿಯು ಯೂರೋಪಿಯನ್‌ ಬಾಕ್ಸಿಂಗ್‌ ಕ್ಯಾಲೆಂಡರ್ ಋತುವಿನ ಮೊದಲ ಟೂರ್ನಿಯಾಗಿದೆ.