ಟೆನ್‌ಪಿನ್ ಬೌಲಿಂಗ್: ಸುಚೇತನಾಗೆ ಅಗ್ರ ಸ್ಥಾನ

ಬೆಂಗಳೂರು: ಪಶ್ಚಿಮ ಬಂಗಾಳದ ಸುಚೇತನಾ ಮೊಹಾಂತ ಇಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಟೆನ್‌ಪಿನ್ ಬೌಲಿಂಗ್ ಚಾಂಪಿಯನ್‌ಷಿಪ್‌ನ ಮಹಿಳೆಯರ ವಿಭಾಗದ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ ಸ್ಥಾನ ಗಳಿಸಿದ್ದಾರೆ.

ಮೂರನೇ ದಿನವಾದ ಬುಧವಾರ ಅವರ ಒಟ್ಟು ಪಾಯಿಂಟ್ ಗಳಿಕೆ 1230ಗೆ ಏರಿದ್ದು ಹಾಲಿ ಚಾಂಪಿಯನ್ ತಮಿಳುನಾಡಿನ ಸಬೀನಾ ಅತಿಕಾ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಅವರು 1146 ಪಾಯಿಂಟ್ ಗಳಿಸಿದ್ದಾರೆ.

ಪುರುಷರ ವಿಭಾಗದಲ್ಲಿ ರಾಜ್ಯದ ಕಿಶನ್ ಆರ್ 2503 ಸ್ಕೋರ್‌ನೊಂದಿಗೆ ಅಗ್ರ ಸ್ಥಾನದಲ್ಲಿದ್ದು ಆಕಾಶ್ ಅಶೋಕ್ ಕುಮಾರ್ (1302) ದ್ವಿತೀಯರಾಗಿದ್ದಾರೆ.