ಟೆನಿಸ್‌: ಸೆಮಿಗೆ ತನು ವಿಶ್ವಾಸ್

ಬೆಂಗಳೂರು: ತನು ವಿಶ್ವಾಸ್‌ ಅವರು ಎಎನ್‌ಟಿ ಅಕಾಡೆಮಿ ಆಯೋಜಿಸಿರುವ ಎಎನ್‌ಟಿ–ಎಐಟಿಎ 16 ವರ್ಷದೊಳಗಿನವರ ಚಾಂಪಿಯನ್‌ಷಿಪ್‌ ಟೆನಿಸ್‌ ಟೂರ್ನಿಯ ಬಾಲಕಿಯರ ಸಿಂಗಲ್ಸ್‌ನಲ್ಲಿ ಸೆಮಿಫೈನಲ್‌ ತಲುಪಿದ್ದಾರೆ.

ಎಎನ್‌ಟಿ ಕೋರ್ಟ್‌ನಲ್ಲಿ ಮಂಗಳವಾರ ನಡೆದ ಹಣಾಹಣಿಯಲ್ಲಿ ತನು ಅವರು 4-6, 6-2, 7-5ರಿಂದ ಮೂರನೇ ಶ್ರೇಯಾಂಕದ ಸಂಸ್ಕೃತಿ ಅವರಿಗೆ ಆಘಾತ ನೀಡಿದರು.

ಮತ್ತೊಂದು ಪಂದ್ಯದಲ್ಲಿ ರೀತ್‌ ಝವಾರ್‌ 6-3, 6-0 ನಾಲ್ಕನೇ ಶ್ರೇಯಾಂಕದ ವಿಧಿ ಗುಪ್ತಾ ಅವರನ್ನು ಸೋಲಿಸಿ ಸೆಮಿಫೈನಲ್‌ ಪ್ರವೇಶಿಸಿದರು. ಸುಹಾನಿ ಭಾಸಿನ್‌ ಮತ್ತು ಅದಿತಿ ಖಾನಾಪುರಿ ಕೂಡಾ ಸೆಮಿಗೆ ಪ್ರವೇಶಿಸಿ ದ್ದಾರೆ. ಬಾಲಕರ ಕ್ವಾರ್ಟರ್‌ ಫೈನಲ್‌ ಪಂದ್ಯಗಳು ಬುಧವಾರ ನಡೆಯಲಿವೆ.