ಗಾರ್ಸಿಯಾಗೆ ಪ್ರಶಸ್ತಿ

ನಾಟಿಂಗಂ: ಫ್ರಾನ್ಸ್‌ನ ಕರೋಲಿನ್ ಗಾರ್ಸಿಯಾ ಅವರು ನಾಟಿಂಗಂ ಟೆನಿಸ್‌ ಪ್ರಶಸ್ತಿಯನ್ನು ಜಯಿಸಿದರು.

ಭಾನುವಾರ ರಾತ್ರಿ ನಡೆದ ಫೈನಲ್‌ ಪಂದ್ಯದಲ್ಲಿ ಡೊನ್ನಾ ವೆಕಿಕ್‌ ಅವರನ್ನು 2–6, 7–6 (7/4), 7–6 (7/4) ಸೆಟ್‌ಗಳಿಂದ ಮಣಿಸಿದ ಅವರು 2019ರಲ್ಲಿ ಮೊದಲ ಪ್ರಶಸ್ತಿ ಮುಡಿಗೇರಿಸಿಕೊಂಡರು.

ಸೆಮಿಫೈನಲ್‌ನಲ್ಲಿ ಅಮೆರಿಕಾದ ಜೆನ್ನಿಫರ್‌ ಬ್ರಾಡಿ ಅವರನ್ನು 4–6, 6–3, 6–3ರಿಂದ ಗಾರ್ಸಿಯಾ ಸೋಲಿಸಿದ್ದರು. ಪ್ರಬಲ ಪೈಪೋಟಿ ಕಂಡುಬಂದ ಫೈನಲ್‌ ಪಂದ್ಯದಲ್ಲಿ ವೆಕಿಕ್‌ ಮೊದಲ ಸೆಟ್‌ ಗೆದ್ದು ಬೀಗಿದರು.

ಟೈಬ್ರೇಕ್‌ವರೆಗೂ ಸಾಗಿದ ಎರಡನೇ ಸೆಟ್‌ನಲ್ಲಿ ಗಾರ್ಸಿಯಾ ತಿರುಗೇಟು ನೀಡಿದರು. ಮೂರನೇ ಸೆಟ್‌ ಕೂಡ ಟೈಬ್ರೇಕ್‌ ತಲುಪಿತು.

ಆದರೆ ಈ ಸೆಟ್‌ನಲ್ಲೂ ವಿಜೇತ ಆಟಗಾರ್ತಿ ಪ್ರಾಬಲ್ಯ ಮೆರೆದರು. ಭಾರೀ ಪೈಪೋಟಿ ನೀಡಿ ಜಯದ ತೋರಣ ಕಟ್ಟಿದರು.