ಕೆಎಸ್‌ಎಲ್‌ಟಿಎಗೆ ಬೋಪಣ್ಣ ಉಪಾಧ್ಯಕ್ಷ

ಬೆಂಗಳೂರು: ಟೆನಿಸ್ ಆಟಗಾರರೋಹನ್‌ ಬೋಪಣ್ಣ ಅವರು ಕರ್ನಾಟಕ ರಾಜ್ಯ ಲಾನ್‌ ಟೆನಿಸ್‌ ಸಂಸ್ಥೆಯ (ಕೆಎಸ್‌ಎಲ್‌ಟಿಎ) ಉಪಾಧ್ಯಕ್ಷರಾಗಿ ಆಯ್ಕೆಗೊಂಡಿದ್ದಾರೆ. ಇತ್ತೀಚೆಗೆ ನಡೆದ ಕೆಎಸ್‌ಎಲ್‌ಟಿಎ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ (ಎಜಿಎಂ) ನೂತನ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಗಿತ್ತು. ಈ ಕುರಿತು ಸಂಸ್ಥೆಯುಗುರುವಾರ ಪ್ರಕಟಣೆ ನೀಡಿದೆ.

ಈಗ ಆಯ್ಕೆಯಾದ ಪದಾಧಿಕಾರಿಗಳ ಅವಧಿ ನಾಲ್ಕು ವರ್ಷಗಳದ್ದಾಗಿದೆ.

ಪದಾಧಿಕಾರಿಗಳು: ಆರ್‌.ಅಶೋಕ (ಅಧ್ಯಕ್ಷ), ಎಂ. ಲಕ್ಷ್ಮೀನಾರಾಯಣ (ಆಜೀವ ಉಪಾಧ್ಯಕ್ಷ), ಪ್ರಿಯಾಂಕ್‌ ಎಂ. ಖರ್ಗೆ (ಹಿರಿಯ ಉಪಾಧ್ಯಕ್ಷ), ಎಂ.ಬಿ.ದ್ಯಾಬೇರಿ, ಪಿ.ಆರ್‌.ರಾಮಸ್ವಾಮಿ, ರೋಹನ್‌ ಬೋಪಣ್ಣ, ಆಶಿಶ್‌ ಪುರವಂಕರ (ಎಲ್ಲರೂ ಉಪಾಧ್ಯಕ್ಷರು), ಮಹೇಶ್ವರ ರಾವ್‌ (ಕಾರ್ಯದರ್ಶಿ), ಸುನಿಲ್‌ ಯಜಮಾನ್‌ (ಜಂಟಿ ಕಾರ್ಯದರ್ಶಿ), ನಾಗಾನಂದ ದೊರೆಸ್ವಾಮಿ (ಖಜಾಂಚಿ).