ಎಟಿಪಿ ಚಾಲೆಂಜರ್‌ ಸುಮಿತ್‌ ನಗಾಲ್‌ ಮುನ್ನಡೆ

ನವದೆಹಲಿ: ಭಾರತದ ಅಗ್ರ ಸಿಂಗಲ್ಸ್‌ ಆಟಗಾರ ಸುಮಿತ್ ನಗಾಲ್ ಅವರು ಜರ್ಮನಿಯ ಹ್ಯಾಗೆನ್‌ನಲ್ಲಿ ನಡೆಯುತ್ತಿರುವ ಪ್ಲಾಟ್ಝ್‌ಮನ್‌ ಓಪನ್ ಟೂರ್ನಿಯಲ್ಲಿ ಮಂಗಳವಾರ ಎರಡನೇ ಸುತ್ತನ್ನು ತಲುಪಿದರು.

ವಿಶ್ವಕ್ರಮಾಂಕದಲ್ಲಿ 307ನೇ ಸ್ಥಾನದಲ್ಲಿರುವ ನಗಾಲ್‌, ಈ ಕ್ಲೇ ಅಂಕಣದ ಟೂರ್ನಿಯ ಮೊದಲ ಸುತ್ತಿನಲ್ಲಿ ಸ್ಪೇನ್‌ನ ಕಾರ್ಲೋಸ್‌ ಸ್ಯಾಂಚೆಸ್‌ ಜೋವರ್ ಅವರನ್ನು 6–2, 6–2 ರಿಂದ ಸೋಲಿಸಿದರು. ಅವರು ಬುಧವಾರ ನಡೆಯಲಿರುವ ಪ್ರಿಕ್ವಾರ್ಟರ್‌ಫೈನಲ್‌ನಲ್ಲಿ ನೀಲ್ಸ್‌ ಮೆಕ್‌ಡೊನಾಲ್ಡ್ ಅವರನ್ನು ಎದುರಿಸಲಿದ್ದಾರೆ.