ಟೇಬಲ್ ಟೆನಿಸ್: ತಮೋಘ್ನ, ರಾಶಿಗೆ ಪ್ರಶಸ್ತಿ

ಧಾರವಾಡ: ಬೆಂಗಳೂರಿನ ತಮೋಘ್ನ ಮತ್ತು ರಾಶಿ ರಾವ್‌ ಅವರು ರಾಜ್ಯ ರ‍್ಯಾಂಕಿಂಗ್‌ ಟೇಬಲ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ 15 ವರ್ಷದೊಳಗಿನ ಬಾಲಕ, ಬಾಲಕಿಯರ ವಿಭಾಗದ ಸಿಂಗಲ್‌ನಲ್ಲಿ ಪ್ರಶಸ್ತಿ ಜಯಿಸಿದರು.

ಕಾಸ್ಮೋಸ್‌ ಕ್ಲಬ್‌ ಆಯೋಜಿಸಿರುವ ಟೂರ್ನಿಯ ಬಾಲಕರ ವಿಭಾಗದ ಫೈನಲ್‌ನಲ್ಲಿ ತಮೋಘ್ನ  12-10, 11-7, 11-5, 11-2 ರಿಂದ ಬೆಂಗಳೂರಿನ ಅಮಾನ್‌ ಜಾರ್ಜ್‌ ಥಾಮಸ್‌ ಅವರನ್ನು ಸೋಲಿಸಿದರು.

ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ರಾಶಿ ರಾವ್‌  9-11, 11-7, 9-11, 11-6, 11-9 ರಿಂದ  ಬೆಂಗಳೂರಿನ ಮಿಹಿಕಾ ಉಡುಪ ಅವರನ್ನು ಮಣಿಸಿದರು.