ಆರೋಗ್ಯ ಕಾರ್ಯಕರ್ತರಿಗೆ ವಿಂಬಲ್ಡನ್‌ನಿಂದ ಸ್ಟ್ರಾಬೆರಿ
ಲಂಡನ್: ವಿಂಬಲ್ಡನ್ ಸಂಘಟಿಸುವ ಆಲ್‌ ಇಂಗ್ಲೆಂಡ್ ಕ್ಲಬ್‌, ಕೊರೊನಾ ವೈರಸ್‌ ವಿರುದ್ಧದ ಹೋರಾಟದಲ್ಲಿ ತೊಡಗಿಸಿಕೊಂಡಿರುವ ಆರೋಗ್ಯ ಕಾರ್ಯಕರ್ತರಿಗೆ ಸ್ಟ್ರಾಬೆರಿಯನ್ನು ಉಚಿತವಾಗಿ ಹಂಚಲಿದೆ.
ಟೂರ್ನಿಯಲ್ಲಿ 26000 ಸ್ಟ್ರಾಬೆರಿಗಳನ್ನು ನೀಡಲು ಉದ್ದೇಶಿಸಿತ್ತು.ಆದರೆ ಕೊರೊನಾ ವೈರಸ್‌ ಲಾಕ್‌ಡೌನ್‌ನಿಂದಾಗಿ ವಿಂಬಲ್ಡನ್ ಟೆನಿಸ್ ಟೂರ್ನಿ ರದ್ದಾಗಿದೆ.
’ನಮ್ಮ ಕ್ಲಬ್‌ನಿಂದ ಇದೊಂದು ಸಣ್ಣ ಕಾಣಿಕೆಯಾಗಿದೆ. ರಾಷ್ಟ್ರೀಯ ಆರೋಗ್ಯ ಕಾರ್ಯಕರ್ತರು ಕೊರೊನಾ ವಿರುದ್ಧದ ಹೋರಾಟದಲ್ಲಿ ಮುಂಚೂಣಿಯಲ್ಲಿದ್ದಾರೆ. ಅವರಿಗೆ ನಮ್ಮ ಬೆಂಬಲ ವ್ಯಕ್ತಪಡಿಸುವ ರೀತಿ ಇದಾಗಿದೆ‘ ಎಂದು ವಿಂಬಲ್ಡನ್ ಆಯೋಜಕರು ಹೇಳಿದ್ದಾರೆ.
ಪ್ರತಿದಿನ 200 ಪೊಟ್ಟಣಗಳನ್ನು ನೀಡಲು ಉದ್ದೇಶಿಸಲಾಗಿದೆ. ಟೆನಿಸ್ ಟೂರ್ನಿ ಮತ್ತು ಸ್ಟ್ರಾಬೆರಿ ನಡುವಿನ ಸಂಬಂಧ ಹಳೆಯದು. ಇಲ್ಲಿ ಟೂರ್ನಿ ನಡೆಯುವ ಬೇಸಿಗೆ ಋತುವಿನಲ್ಲಿಯೇ ಸ್ಟ್ರಾಬೆರಿ ಫಸಲು ಕೂಡ ಇರುತ್ತದೆ. ಆದ್ದರಿಂದ ಈ ನಂಟು ಬೆಸೆದುಕೊಂಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.