ಐಐಎಸ್‌ಸಿಯಲ್ಲಿ ನೋಕಿಯಾ ಲ್ಯಾಬ್‌

ಬೆಂಗಳೂರು: ತುರ್ತುಸ್ಥಿತಿಯ ನಿರ್ವ ಹಣೆ, ಕೃಷಿ ಮತ್ತು ಕೈಗಾರಿಕಾ ಆಟೋಮೇಷನ್‌ ಕ್ಷೇತ್ರದಲ್ಲಿ ಕೃತಕ ಬುದ್ಧಿಮತ್ತೆ, ಸುಧಾರಿತ ಸಂಪರ್ಕ ತಂತ್ರಜ್ಞಾನ ಮತ್ತು ರೋಬೊಟಿಕ್ಸ್‌ಗಳ ಸಂಶೋಧನೆಗೆ ನೋಕಿಯಾ ಕಂಪನಿಯು ಭಾರತೀಯ ವಿಜ್ಞಾನ ಸಂಸ್ಥೆಯಲ್ಲಿ (ಐಐಎಸ್‌ಸಿ) ಪ್ರಯೋಗಾಲಯವನ್ನು ಸ್ಥಾಪಿಸಲಿದೆ.

ಇದನ್ನು ಸೆಂಟರ್ ಆಫ್‌ ಎಕ್ಸಲೆನ್ಸ್ ‌ಎಂದು ಹೆಸರಿಸಲಾಗಿದೆ. ಸಂಶೋಧನೆ ಮತ್ತು ಅಭಿವೃದ್ಧಿಯ ನಿಟ್ಟಿನಲ್ಲಿ ಶೈಕ್ಷಣಿಕ ವಲಯ, ನವೋದ್ಯಮ ಮತ್ತು ಕೈಗಾರಿಕಾ ವ್ಯವಸ್ಥೆ ಸಹಕಾರದ ವ್ಯವಸ್ಥೆ ರೂಪಿಸಲಾಗುವುದು. ಭಾರತ ಸರ್ಕಾರ ‘ಸ್ಟಾರ್ಟ್‌ ಅಪ್‌ ಇಂಡಿಯಾ’ದ ಪ್ರಯತ್ನಗಳಿಗೂ ಕೈಜೋಡಿಸಲಾಗು ವುದು ಎಂದು ನೋಕಿಯಾ ತಿಳಿಸಿದೆ.